ХАЛҚ ДЕПУТАТЛАРИ ШЕРОБОД ТУМАНИ КЕНГАШИНИНГ
Қарори
Шеробод туманидаги мавжуд айрим географик объектлар номларини тасдиқлаш тўғрисида
Ўзбекистон Республикаси Вазирлар Маҳкамасининг 2012 йил 16 октябрдаги «Географик объектларнинг номлари тўғрисида»ги Ўзбекистон Республикаси Қонунига мувофиқ географик объектларнинг номлари соҳасидаги ишларни тартибга солиш чора-тадбирлари ҳақида»ги 295-сон қарори, Ўзбекистон Республикаси Урбанизация ва уй-жой бозорини барқарор ривожлантириш миллий қўмитаси ҳузуридаги Кадастр агентлиги эксперт комиссиясининг 2026 йил 23 июлдаги 03/08-8699-сонли йиғилиш баёни ҳамда Республика экспертиза комиссиясининг 2026 йил 22 июлдаги 05-19-12822-сонли экспертиза хулосасига кўра, Ўзбекистон Республикасининг «Маҳаллий давлат ҳокимияти тўғрисида»ги Қонуни 6-моддасига асосан халқ депутатлари туман Кенгаши қарор қилади:
1. Туман ҳокими У. Алимовнинг 2026 йил 12 октябрдаги Шеробод туманидаги айрим географик объектлар номларини тасдиқлаш тўғрисидаги 01-06/1433-сонли хати, шунингдек, туман ҳокимлиги Ахборот хизмати раҳбари – давлат тили бўйича маслаҳатчиси А. Тоштемировнинг тумандаги айрим географик объектларни номлаш ва қайта номлаш бўйича ҳисоботи маълумот учун қабул қилинсин.
2. Ўзбекистон Республикаси Урбанизация ва уй-жой бозорини барқарор ривожлантириш миллий қўмитаси ҳузуридаги Кадастр агентлиги эксперт комиссиясининг 2026 йил 23 июлдаги 03/08-8699-сонли йиғилиш баёни ҳамда Республика экспертиза комиссиясининг 2026 йил 22 июлдаги 05-19-12822-сонли экспертиза хулосаси маъқуллансин.
3. Ўзбекистон Республикаси Урбанизация ва уй-жой бозорини барқарор ривожлантириш миллий қўмитаси ҳузуридаги Кадастр агентлиги эксперт комиссиясининг 2026 йил 23 июлдаги 03/08-8699-сонли йиғилиш баёни ҳамда Республика экспертиза комиссиясининг 2026 йил 22 июлдаги 05-19-12822-сонли экспертиза хулосасига асосан тумандаги жами 26 та географик объектни номлаш ва қайта номлаш бўйича берилган экспертиза хулосаси Ўзбекистон Республикасининг «Географик объектларнинг номлари тўғрисида»ги Қонуни 4-моддасига асосан қонун ҳужжатларига мувофиқ деб ҳисобланганлиги инобатга олинсин ҳамда туман бўйича жами 26 та географик объект номлари иловага мувофиқ тасдиқлансин.
4. Туманда географик объектларни номлаш ва қайта номлаш бўйича мавжуд 26 та географик объект номлари Кадастр агентлиги эксперт комиссияси томонидан қонун ҳужжатларига мувофиқ деб топилганлиги инобатга олиниб, ушбу 26 та географик объект рўйхати халқ депутатлари туман Кенгаши қарори асосида Кадастр агентлигининг давлат реестри электрон базасига киритиш мақсадида вилоят ҳудудий комиссиясига тақдим этилсин.
5. Мазкур қарор ижросини таъминлаш учун туман ҳокимлиги Ахборот хизмати раҳбари – давлат тили бўйича маслаҳатчиси А. Тоштемиров, туман ҳокимининг ўринбосари А. Пирматов ҳамда Ўзбекистон маҳаллалари уюшмаси Шеробод тумани бўлими масъули О. Остонақулов масъул этиб белгилансин.
6. Мазкур қарор «Шеробод ҳаёти» газетасида расман эълон қилинсин ва туман ҳокимлигининг расмий веб-сайтига жойлаштирилсин.
7. Мазкур қарор ижросини назорат қилиш халқ депутатлари туман Кенгашининг Ижтимоий соҳа, ёшлар сиёсати, маданият ва спорт масалалари бўйича доимий комиссияси (Н. Саидова) зиммасига юклатилсин.
8. Мазкур қарор қабул қилинган кундан эътиборан кучга киради.
Кенгаш раиси О. ТУРСУНОВ
Сурхондарё вилояти, Шеробод тумани,
2026 йил 20 октябрь,
VII-27-103-8-119-K/26-сон
Ҳужжатни иловаси билан PDF шаклида танишиш мумкин.