Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сон қарори 7-банди «а» кичик бандига мувофиқ, 2026 йил 1-октябрдан 2027 йил 1 апрелга қадар куз-қиш даврида Шеробод тумани ҳудудидаги сув истеъмолчиларига сув олиш лимитларини белгилаш ҳамда сув ресурсларидан оқилона ва самарали фойдаланишни таъминлаш мақсадида, «Маҳаллий давлат ҳокимияти тўғрисида»ги Ўзбекистон Республикаси Қонунининг 6 ва 24-моддаларига асосан, халқ депутатлари Шеробод тумани Кенгаши қарор қилади:

1. «АМУ-СУРХОН» ирригация тизимлари ҳавза бошқармаси бошлиғининг 2026 йил 16-сентябрдаги 01-10/1582-сонли ҳамда Шеробод тумани «Сув етказиб бериш хизмати» давлат муассасаси директори Ж. Бўриевнинг 2026 йил 25-сентябрдаги 01-05/302-сонли хатлари маълумот учун қабул қилинсин.

2. Шеробод тумани ҳудудидаги сув истеъмолчиларининг 2026 йил 1-октябрдан 2027 йил 1 апрелга қадар куз-қиш даврида носуғориш ишлари учун сув олиш лимитлари 1 — 5-иловаларга мувофиқ тасдиқлансин.

3. Шеробод тумани «Сув етказиб бериш хизмати» давлат муассасаси раҳбари Ж. Бўриевга:

белгиланган лимитлар асосида сув истеъмолчиларига сув етказиб беришни;

ўзига бириктирилган ҳудудда сувнинг ҳисоби ва ҳисоботини юритишни;

суғориш тармоқлари ва улардаги гидротехник иншоотларни соз ҳолатда сақлаш ҳамда таъмирлаш-тиклаш тадбирларини амалга оширишни;

сув олиш жойларини сувни бошқариш ва ҳисобга олиш воситалари билан жиҳозлаш, сув мониторинги, ҳисоби ва ҳисоботини юритишни рақамлаштиришни;

истеъмолчилар кесимида истеъмол қилинган сув ҳажми тўғрисидаги маълумотларни солиқ органларига тақдим этиб боришни;

сув истеъмолчиларининг буюртманомаси асосида бошқа сув хўжалиги хизматларини кўрсатишни;

амалга оширилган ишлар юзасидан белгиланган тартибда халқ депутатлари Шеробод тумани Кенгашига ҳисобот бериб боришни таъминлаш вазифалари юклатилсин.

5. Шеробод тумани «Сув етказиб бериш хизмати» давлат муассасаси раҳбари Ж. Бўриев тасдиқланган сув олиш лимитларининг сув истеъмолчиларига белгиланган тартибда етказилишини ҳамда сув ресурсларидан оқилона ва самарали фойдаланилишини таъминлаш учун масъул этиб белгилансин.

6. Шеробод тумани ҳокимлиги Ахборот хизмати (А. Тоштемиров) ҳамда «Шеробод ҳаёти» газетаси таҳририятига (П. Муҳаммадиев) Шеробод тумани ҳудудидаги сув истеъмолчиларининг 2026 йил 1-октябрдан 2027 йил 1 апрелга қадар куз-қиш даврида носуғориш ишлари учун тасдиқланган сув олиш лимитлари, сув ресурсларидан оқилона ва самарали фойдаланиш ҳамда сувни тежаш чора-тадбирлари тўғрисидаги маълумотларни оммавий ахборот воситалари ва интернет тармоқларида ёритиб бориш тавсия этилсин.

7. Шеробод тумани ҳокимлиги, «АМУ-СУРХОН» ирригация тизимлари ҳавза бошқармаси ҳамда Шеробод тумани «Сув етказиб бериш хизмати» давлат муассасаси томонидан тасдиқланган сув олиш лимитларининг тегишли сув истеъмолчиларига ўз вақтида етказилиши таъминлансин.

8. Мазкур қарорнинг 2-бандида белгиланган сув олиш лимитларига ўзгартириш ва қўшимчалар киритиш зарурати юзага келган тақдирда, ушбу масала амалдаги қонунчилик ҳужжатларида белгиланган тартибда ҳал этилсин.

9. Мазкур қарор ижросини назорат қилиш халқ депутатлари Шеробод тумани Кенгашининг Аграр, сув хўжалиги масалалари ва экология бўйича доимий комиссияси (Қ. Рахамов) зиммасига юклатилсин.

10. Мазкур қарор ижросини таъминлаш Шеробод тумани «Сув етказиб бериш хизмати» давлат муассасаси раҳбари Ж. Бўриев зиммасига юклатилсин.

11. Ушбу қарор оммавий ахборот воситаларида расмий эълон қилинган кундан эътиборан кучга киради.