Ўзбекистон Республикаси Президентининг 2026 йил 12 сентябрдаги ПҚ-326-сон «Аҳолини суюлтирилган газ билан таъминлаш тизимини ислоҳ қилиш ва бозор механизмларини босқичма-босқич жорий этиш чора-тадбирлари тўғрисида»ги қарорига мувофиқ буюраман:

1. Ўзбекистон Республикаси қишлоқ хўжалиги вазирининг 2026 йил 30 июндаги 51-сон буйруғи (рўйхат рақами 3912, 2026 йил 29 июль) (Қонунчилик маълумотлари миллий базаси, 29.07.2026 й., 10/26/3912/0796-сон) билан тасдиқланган Қишлоқ хўжалиги корхоналари томонидан биржа савдолари орқали харид қилинган дизель ёқилғиси қийматининг бир қисмини қоплаш учун субсидия ажратиш тартиби тўғрисидаги вақтинчалик низомга иловага мувофиқ ўзгартириш ва қўшимчалар киритилсин.

2. Мазкур буйруқ Ўзбекистон Республикаси Бош прокуратураси, Иқтисодиёт ва молия вазирлиги, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ҳамда Савдо-саноат палатаси билан келишилган.

3. Мазкур буйруқ расмий эълон қилинган кундан эътиборан кучга киради.

1. 3-банд қуйидаги таҳрирда баён этилсин:

«3. Субсидия агротехнологик харитада назарда тутилган пахта ва буғдой етиштириш ҳамда ҳосилни йиғиб-териб олишга оид агротехник тадбирларни амалга ошириш учун истеъмолчи томонидан биржа савдолари орқали харид қилинган дизель ёқилғисининг ҳар бир тоннаси учун қуйидаги миқдорларда проактив шаклда ажратилади:

2026 йил 1 апрелдан 1 июлга қадар — унинг қийматининг 13 миллион сўмдан ошган қисми учун, бироқ 2 миллион сўмдан кўп бўлмаган миқдорда;

2026 йил 1 июлдан 1 декабрга қадар — унинг қийматининг 15 миллион сўмдан ошган қисми учун, бироқ 2 миллион сўмдан кўп бўлмаган миқдорда.

Бунда истеъмолчи субсидияни олиш учун ўзига тегишли экин ер майдонларини контурлар ҳамда қишлоқ хўжалиги маҳсулотлари турлари кесимида белгиланган тартибда Агропорталга киритган бўлиши лозим.».

2. 4-банд «13 миллион сўмдан» деган сўзлардан кейин «, 2026 йил 1 июлдан 2026 йил 1 декабрга қадар ҳар бир тоннаси 15 миллион сўмдан» деган сўзлар билан тўлдирилсин.

3. 5-банднинг биринчи хатбошиси «2026 йил апрель — июнь» деган сўзлардан кейин «ва (ёки) 2026 йил июль — ноябрь» деган сўзлар билан тўлдирилсин.

4. 9-банднинг еттинчи ва саккизинчи хатбошилари «апрель — июнь» деган сўзлардан кейин «ва (ёки) июль — ноябрь» деган сўзлар билан тўлдирилсин.

5. 10-банднинг олтинчи хатбошисидаги «(13 000 000 сўм)» деган сўзлар «(апрель — июнь ойлари учун 13 000 000 сўм, июль — ноябрь ойлари учун 15 000 000 сўм)» деган сўзлар билан алмаштирилсин.

6. 12-банднинг тўртинчи хатбошиси «апрель — июнь» деган сўзлардан кейин «ҳамда июль — ноябрь» деган сўзлар билан тўлдирилсин.