Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини шакллантириш ҳамда сув ресурсларидан фойдаланиш самарадорлигини ошириш тўғрисида»ги ПҚ-5-сонли қарори ҳамда Ўзбекистон Республикаси Вазирлар Маҳкамасининг 2013 йил 19 мартдаги 82-сон қарори ижросини таъминлаш мақсадида ҳамда Косон тумани сув етказиб бериш хизмати давлат муассасаси томонидан ноўсув даври учун якуний истеъмолчилар кесимида экинларни суғориш учун сув олиш лимитларини ҳудудлар бўйича тасдиқланган лимит доирасида ишлаб чиқиш бўйича таклифларини ҳамда Кенгашнинг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси қарорини инобатга олиб, Ўзбекистон Республикаси «Маҳаллий Давлат ҳокимияти тўғрисида»ги Қонунининг 6- ва 24-моддаларига асосан халқ депутатлари туман Кенгаши қарор қилади:

1. Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини шакллантириш ҳамда сув ресурсларидан фойдаланиш самарадорлигини ошириш тўғрисида»ги ПҚ-5-сонли қарори ижро учун қабул қилинсин.

2. Туман сув етказиб бериш хизмати давлат муассасаси (Э. Сайфулов)нинг таклифлари ҳамда Халқ депутатлари туман Кенгашини Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссиясининг ДКҚ 03-01/76-26-сонли қарори маълумот учун қабул қилинсин.

3. Косон тумани сув истеъмолчиларига, шунингдек, бошқа сувдан фойдаланувчилар ва сув истеъмолчиларига туман аҳамиятига эга бўлган сув обектларидан манбалар, ҳудудлар ва иқтисодиёт тармоқлари бўйича ўсув даври учун сув олиш лимитлари бўйича таклифлари иловага мувофиқ маъқуллансин.

4. Туман сув етказиб бериш хизмати давлат муассасаси (Э. Сайфулов) ва туман қишлоқ ва сув хўжалиги бўлими (Т. Маматқулов)ларга белгиланган вазифалар ижроси юзасидан амалга оширилган ишлар тўғрисида ҳар чоракда халқ депутатлари туман Кенгашига ҳисобот бериш вазифаси юклатилсин.

5. Ушбу қарор қабул қилиниши муносабати билан халқ депутатлари Косон тумани Кенгашининг 2025 йил 14 апрелдаги «Туманда сув ресурсларидан оқилона фойдаланиш самарадорлигини ошириш борасида амалга оширилаётган ишлар тўғрисида»ги VII-9-86-4-60-K/25-сонли қарори ўз кучини йўқотган деб ҳисоблансин.

6. Мазкур қарор ижросини таъминлаш туман ҳокимининг ўринбосари Т. Маматқулов зиммасига, қарор ижросини назорат қилиш Кенгашнинг аграр, сув хўжалиги масалалари ва экология бўйича доимий комиссияси раиси (Ў. Равшанов) зиммасига юклатилсин.

7. Мазкур қарор Косон туман ҳокимлигининг расмий веб-сайтида эълон қилинсин.

8. Ушбу қарор қабул қилинган кунда кучга киради.