Ўзбекистон Республикасининг 2025 йил 25 декабрдаги «2026 йил учун Ўзбекистон Республикасининг Давлат бюджети тўғрисида»ги ЎРҚ-1105-сонли Қонуни, Ўзбекистон Республикаси Президентининг 2025 йил 26 декабрдаги «Маҳаллий бюджетлар ва бюджет ташкилотларининг молиявий барқарорлигини ошириш, бюджет интизомини кучайтиришга доир қўшимча чора-тадбирлар тўғрисида»ги ПҚ-387-сон қарорига мувофиқ, халқ депутатлари туман Кенгашининг таркибидаги Маҳаллий бюджет, иқтисодий ислоҳотлар, саноат, туризм, инвестициялар ва тадбиркорликни ривожлантириш масалалари бўйича доимий комиссияси қарор қилади:

1. Ўзбекистон Республикаси Президентининг 2025 йил 26 декабрдаги «Маҳаллий бюджетлар ва бюджет ташкилотларининг молиявий барқарорлигини ошириш, бюджет интизомини кучайтиришга доир қўшимча чора-тадбирлар тўғрисида»ги ПҚ-387-сонли қарори раҳбарлик ва ижро учун қабул қилинсин.

2. Олтинкўл туманининг марказий кўчалари бўйидаги тадбиркорлик субъектлари билан тузилган шартнома асосида чиқиндиларни олиб чиқиш ва ҳудудларни ободонлаштириш хизматларини кўрсатиш учун тўлов тарифлари иловага мувофиқ тасдиқлансин.

3. Туман Ободонлаштириш бошқармасига:

Ўзбекистон Республикаси Президентининг 2025 йил 26 декабрдаги «Маҳаллий бюджетлар ва бюджет ташкилотларининг молиявий барқарорлигини ошириш,

бюджет интизомини кучайтиришга доир қўшимча чора-тадбирлар тўғрисида»ги ПҚ-387-сонли қарорида берилган топшириқларни ўз муддатларида бажариш;- туманнинг марказий кўчалари бўйидаги тадбиркорлик субъектлари билан тузилган шартнома асосида чиқиндиларни олиб чиқиш ва ҳудудларни ободонлаштириш хизматларини кўрсатиш;

4. Олтинкўл тумани ҳудудида чиқиндиларни олиб чиқиш ва ҳудудларни ободонлаштириш хизматини кўрсатганлик бўйича тарифлар тўғрисидаги туман ҳокимлигининг туман ободонлаштириш бошқармаси ва туман иқтисодиёт ва молия бўлими билан келишилган ҳолда берган таклифи маъқуллансин.

тасдиқланган тарифларнинг белгиланган тартибда қўлланилишини таъминлаш;-хизматлардан фойдаланувчи субъектларга тарифлар тўғрисида ҳисоботи берилишини таъминласин.

5. Олтинкўл тумани Ободонлаштириш бошқармасининг маиший чиқиндилар, агротехник ишлов беришдан ҳосил бўладиган чиқиндилар (дарахт ва бута шох-шаббалари, барглари) ҳамда маиший чиқиндиларни тўплаш ва олиб чиқиб кетиш бўйича хизматидан тадбиркорлик субъектларининг фойдаланиши ихтиёрий қилиб белгилансин.

6. Туман экология, атроф-муҳитни муҳофаза қилиш ва иқлим ўзгариши бўлими ҳамда Санитария-эпидемиологик осойишталик ва жамоат саломатлиги бўлими, туман ободонлаштириш бошқармаси билан биргаликда экологик вазиятни яхшилаш, чиқиндиларнинг инсонлар соғлигига зарарли таъсирини олдини олиш, табиий ресурслардан оқилона фойдаланиш, санитария ва экологик ҳолат сифатини ошириш чораларини кўриб борсин.

7. Туман ҳокимлиги матбуот хизмати (Ж. Рахимов) Олтинкўл тумани ҳудудида чиқиндиларни олиб чиқиш ва ҳудудларни ободонлаштириш хизматини кўрсатганлик бўйича тарифларни матбуотда эълон қилсин ҳамда туман ҳокимлиги расмий веб-сайтига жойлаштирсин.

8. Ушбу қарорнинг бажарилишини назорат қилиш халқ депутатлари туман Кенгашининг Маҳаллий бюджет, иқтисодий ислоҳотлар, саноат, туризм, инвестициялар ва тадбиркорликни ривожлантириш масалалари бўйича доимий комиссияси (Х. Асранов), ижросини таъминлаш туман ҳокимининг биринчи ўринбосари С. Эргашов ҳамда туман ҳокимининг ўринбосари Н. Бурхонов зиммасига юклатилсин.

9. Ушбу қарор расман эълон қилинган кундан эътиборан уч ой муддатдан сўнг кучга киририши белгилансин.