Ўзбекистон Республикаси Вазирлар Маҳкамасининг 2017 йил 15 мартдаги «Умумий ўрта таълим тўғрисидаги Низомни тасдиқлаш ҳақида»ги 140-сонли қарори билан тасдиқланган Низомнинг 5-боб, 39-банди ижросини таъминлаш юзасидан Зарбдор туман мактабгача ва мактаб таълими бўлимининг 2026 йил 31 июлдаги 01-153-сонли хати ҳамда Ўзбекистон Республикаси «Маҳаллий давлат ҳокимияти тўғрисида»ги Қонунининг 6, 21¹-моддаларига мувофиқ қарор қиламан:

1. Туман мактабгача ва мактаб таълими бўлимининг 2026 йил 31 июлдаги 01-153-сонли хати ижро учун қабул қилинсин.

2. Туман мактабгача ва мактаб таълими бўлими тасарруфидаги ҳар бир таълим муассасаларига ҳудуд ва микроҳудудларга бириктириш жадвали иловага мувофиқ тасдиқлансин.

3. Туман мактабгача ва мактаб таълими бўлими (Ш. Розиев)га умумий ўрта таълим мактаби жойлашган ҳудуддаги мактаб ёшидаги болаларни ҳисобга олишни «Йўриқнома» асосида амалга ошириш вазифаси топширилсин.

мактаб ёшидаги болаларни ўз вақтида ўқишга жалб этилишини Ўзбекистон Республикаси Мактабгача ва мактаб таълими вазирлиги томонидан белгилаб берилган тартиб асосида таъминлаш бўйича тегишли чора-тадбирлар ишлаб чиқиш вазифаси топширилсин.

4. Мазкур қарор қабул қилиниши муносабати билан туман ҳокимининг 2025 йил 13 майдаги 96-3-49-Қ/25-сонли қарори ўз кучини йўқотган деб ҳисоблансин.

5. Мазкур қарор туман ҳокимлигининг расмий веб-сайтига жойлаштирилсин.

6. Мазкур қарор расмий эълон қилинган кундан эътиборан кучга киради.

7. Ушбу қарор ижросини назорат қилиш туман ҳокими ўринбосари Р. Анқаев ҳамда туман мактабгача ва мактаб таълими бўлими бошлиғи Ш. Розиевлар зиммасига юклатилсин.