Ўзбекистон Республикаси Урбанизация ва уй бозорини барқарор ривожлантириш миллий қўмитаси ҳузуридаги кадастр агентлигининг 2026 йил 29 июлдаги 03/08-8944-сонли хати ҳамда 2026 йил 28 июлдаги Урбанизация ва уй бозорини барқарор ривожлантириш миллий қўмитаси ҳузуридаги кадастр агентлиги директори ўринбосари, Географик объектларга ном бериш ва қайта номлаш тўғрисидаги таклифларни давлат экспертизасидан ўтказиш комиссиясининг йиғилиш баёни ва Географик объектларга ном бериш ва қайта номлаш тўғрисидаги таклифларнинг қонун ҳужжатлари талабларига мувофиқлиги ҳақида экспертиза хулосасига мувофиқ, Ўзбекистон Республикасининг 2011 йил 12 октябрдаги «Географик объектларнинг номлари тўғрисида»ги 303-сон Қонуни 10-моддасига ҳамда «Маҳаллий давлат ҳокимияти тўғрисида»ги Ўзбекистон Республикаси Қонунининг 6, 24-моддаларига асосан халқ депутатлари Олтинсой тумани Кенгаши қарор қилади:

1. Ўзбекистон Республикаси Урбанизация ва уй бозорини барқарор ривожлантириш миллий қўмитаси ҳузуридаги кадастр агентлигининг 2026 йил 29 июлдаги 03/08-8944-сонли хати ҳамда 2026 йил 28 июлдаги Урбанизация ва уй бозорини барқарор ривожлантириш миллий қўмитаси ҳузуридаги кадастр агентлиги директори ўринбосари, Географик объектларга ном бериш ва қайта номлаш тўғрисидаги таклифларни давлат экспертизасидан ўтказиш комиссиясининг 2/2-384-сонли йиғилиш баёни ва Географик объектларга ном бериш ва қайта номлаш тўғрисидаги таклифларнинг қонун ҳужжатлари талабларига мувофиқлиги ҳақида экспертиза хулосаси инобатга олинсин ва маълумот учун қабул қилинсин.

2. Олтинсой туман ҳокимлиги «Географик объектларни номлаш ва қайта номлаш масалалари бўйича туман комиссияси»нинг Республика эксперт комиссиясининг хулосаси билан қонун ҳужжатларига мувофиқ деб топилган тумандаги 11 та кўчалар номлари иловага мувофиқ тасдиқлансин.

3. Туман уй-жой қурилиш ва коммунал хўжалиги бўлими, Давлат кадастрлари палатаси туман филиали, туман Солиқ инспекцияси, туман Статистика бўлими, туман Иқтисодиёт ва молия бўлими, туман Давлат хизматлари маркази ва бошқа тегишли мутасадди давлат органлари биргаликда:

қонун ҳужжатларига мувофиқ деб топилган тумандаги 11 та кўча номи бўйича иш юритиш ҳужжатларига тегишли ўзгартириш ва қўшимчалар киритиш билан боғлиқ барча тадбирларни амалга ошириш вазифаси юклатилсин.

4. Олтинсой тумани ҳокимининг ўринбосари (Т. Чоршанбиев), туман Ободонлаштириш бошқармаси, Ўзбекистон маҳаллалари уюшмаси туман бўлими қонун ҳужжатларига мувофиқ деб топилган кўчалар ва маҳалла номларини аҳоли ўртасида кенг тарғиб қилиш, белгиланган тартибда замонавий кўринишдаги ЎзДСт техник шартларига жавоб берадиган пешлавҳалар ёзиб ўрнатиш ишларини ташкил этсин.

5. Белгилансинки, географик объектларнинг номлари соҳасидаги ишларни молиялаштириш маҳаллий бюджет маблағлари ва қонун ҳужжатларида тақиқланмаган бошқа манбалар ҳисобидан амалга оширилади.

6. Олтинсой туман Географик объектларни номлаш ва қайта номлаш масалалари бўйича туман комиссияси (Т. Чоршанбиев)га 15 кун муддатда:

Ўзбекистон Республикаси Иқтисодиёт ва молия вазирлиги ҳузуридаги Кадастр агентлигига қонун ҳужжатларига мувофиқ деб топилган тумандаги 11 та кўчалар номларни давлат реестрига киритиш учун тегишли ҳужжатлар тақдим этиш вазифаси юклатилсин.

7. Туман ҳокимлиги матбуот хизмати (У. Абдурасулов)га мазкур қарорни ҳокимликнинг расмий веб-сайтига жойлаштирсин ҳамда ижтимоий тармоқларда эълон қилинсин.

8. Ушбу қарорнинг ижро этилишини назорат қилиш халқ депутатлари туман Кенгашининг Ижтимоий соҳа, ёшлар сиёсати, маданият ва спорт масалалари бўйича доимий комиссияси (А. Маматмуратов)га зиммасига юклатилсин.

9. Ушбу қарор қабул қилинган кундан эътиборан кучга киради.