Ўзбекистон Республикаси Вазирлар Маҳкамасининг 2011 йил 26 декабрдаги «Ўзбекистон Республикаси ҳудудидаги автомобиль йўлларида хавфсизликни таъминлаш ва ташкил этиш чора-тадбирлари тўғрисида»ги 342-сон қарори, Ўзбекистон Республикаси Вазирлар Маҳкамасининг 2022 йил 12 апрелдаги «Йўл ҳаракати қоидаларини тасдиқлаш тўғрисида»ги 172-сон қарори ижроси юзасидан Жарқўрғон туманида фуқароларнинг хавфсизлиги ва автотранспорт воситаларининг ҳаракатини тартибга солиш мақсадида, туман Ички ишлар бўлими йўл ҳаракати хавфсизлиги бўлимининг 2026 йил 5 июндаги 53/24-83-сонли хатини кўриб чиқиб, «Йўл ҳаракати тўғрисида»ги Ўзбекистон Республикаси Қонунининг 8-моддаси, Ўзбекистон Республикаси «Маҳаллий давлат ҳокимияти тўғрисида»ги Қонунининг 6 ва 21¹- моддаларига асосан қарор қиламан:

1. Жарқўрғон туман Ички ишлар бўлими йўл ҳаракати хавфсизлиги бўлимининг 2026 йил 5 июндаги 53/24-83-сонли хати инобатга олинсин.

2. Жарқўрғон туманида фуқароларнинг хавфсизлиги ва автотранспорт воситаларининг ҳаракатини тартибга солиш мақсадида:

туманнинг Сурхон соҳил маҳалласи Навбаҳор кўчасига 3.27 (тўхташ тақиқланади) йўл белгиси ўрнатилишига рухсат берилсин.

3. Жарқўрғон тумани Ички ишлар бўлими йўл ҳаракати хавфсизлиги бўлими (Ш. Шарипов) мазкур қарорда белгиланган жойларга йўл белгиларининг ўрнатилишини таъминласин ҳамда ушбу ҳудудларда автомобиллар ҳаракатини назорат қилиб борсин.

4. Туман ҳокимлиги ахборот хизмати (Д. Чориева) ва «Жануб гавҳари» газетаси ушбу қарорни матбуотда, ижтимоий тармоқларда ва ҳокимлик веб сайтида эълон қилсин.

5. Мазкур қарор расмий эълон қилинган кундан эътиборан кучга киради.

6. Мазкур қарор ижросини назорат қилиш туман ҳокимининг ўринбосари О. Хамраев ҳамда туман Ички ишлар бўлими бошлиғи М. Қўнгратов зиммасига юклансин.