Vazirlar Mahkamasining 1997-yil 9-oktabrdagi 469-son qarori bilan tasdiqlangan “Vazirliklar, davlat qoʻmitalari va idoralar meʼyoriy hujjatlarini huquqiy ekspertizadan va davlat roʻyxatidan oʻtkazish toʻgʻrisida”gi Nizomning 18-bandiga va 2000-yil 19-maydagi 197-son “Vazirliklar, davlat qoʻmitalari va idoralarning meʼyoriy hujjatlarini qabul qilish tartibini takomillashtirish toʻgʻrisida”gi qarorlariga asosan buyuraman:

1. “Oʻzkommunxizmat” agentligi, Oʻzbekiston Respublikasi Moliya vazirligi va Monopoliyadan chiqarish va raqobatni rivojlantirish davlat qoʻmitasining 2002-yil 29-apreldagi 012-1/504, 58 va 1-sonli qarori bilan tasdiqlangan (roʻyxat raqami № 1142, 2002-yil 21 may) “Ijtimoiy soha obyektlari hamda kichik va oʻrta biznes subyektlariga tabiiy gazdan foydalanish uchun ruxsatnoma berish tartibi toʻgʻrisida”gi Nizomning kirish qismi Oʻzbekiston Respublikasi Vazirlar Mahkamasining “Tabiiy gaz yetkazib berish va uning hisob-kitob qilish tizimini yanada takomillashtirish toʻgʻrisida”gi 2002-yil 20-martdagi 90-son qarorining 7-bandiga zid kelganligi sababli toʻxtatilsin va bu haqda Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining Davlat reyestriga tegishli yozuv kiritilsin.

2. Ushbu Nizomning ijtimoiy soha obyektlari hamda kichik va oʻrta biznes subyektlariga (tut ipak qurti boqish, xususiy uylar hovlisidagi issiqxonalar va oziq-ovqat pishirish uchun) gazdan foydalanish uchun ruxsatnomalar berish qismi amalda qoʻllanilsin.

3. “Oʻzkommunxizmat” agentligi, Oʻzbekiston Respublikasi Moliya vazirligi va Monopoliyadan chiqarish va raqobatni rivojlantirish davlat qoʻmitasi ushbu buyruqni barcha manfaatdor shaxslarga yetkazishi hamda ular boʻyicha barcha tushuntirishlarning nusxasini Adliya vazirligiga taqdim etib borishni taʼminlashi lozimligi maʼlumot uchun qabul qilinsin.

4. Idoraviy meʼyoriy hujjatlarni davlat roʻyxatidan oʻtkazish boshqarmasi (M.M.Ikromov) ushbu buyruqni barcha manfaatdor shaxslar eʼtiboriga yetkazilishi va amalda qoʻllanilishi ustidan nazoratni taʼminlasin.

5. Mazkur buyruqni bajarilishini nazorat qilish Qonunchilik bosh boshqarmasi boshligʻi X.M.Sodiqov zimmasiga yuklansin.