Ўзбекистон Республикаси Президентининг 2025 йил 26 декабрдаги «Маҳаллий бюджетлар ва бюджет ташкилотларининг молиявий барқарорлигини ошириш, бюджет интизомини кучайтиришга доир қўшимча чора-тадбирлар тўғрисида»ги ПҚ-387-сон қарорининг 8-бандига мувофиқ, 2026 йил 1 январдан бошлаб ободонлаштириш бошқармалари томонидан туман (шаҳар) марказий кўчалари бўйидаги тадбиркорлик субъектларига чиқиндиларни олиб чиқиш ва ҳудудларни ободонлаштириш хизматларини шартнома асосида кўрсатишга рухсат берилганлиги, мазкур хизматлар учун тарифлар халқ депутатлари туман (шаҳар) Кенгашлари томонидан тасдиқланиши белгиланган.

Шунга кўра, туман Ободонлаштириш бошқармаси бошлиғининг биринчи ўринбосари Л. Жамиловнинг 2026 йил 2 июлдаги 01-07/302-сонли хати ҳамда халқ депутатлари Навбаҳор туман Кенгашининг маҳаллий бюджет, тадбиркорликни ривожлантириш ва иқтисодий ислоҳатлар масалалари бўйича доимий комиссиянинг 2026 йил 3 июлдаги ДКҚ 03-01/70-26-сонли қарорини инобатга олиб Ўзбекистон Республикасининг «Маҳаллий давлат ҳокимияти тўғрисида»ги Қонунининг 24-моддасига асосан, халқ депутатлари Навбаҳор тумани Кенгаши қарор қилади:

1. Навбаҳор туман Ободонлаштириш бошқармаси томонидан туман марказий кўчалари бўйидаги тадбиркорлик субъектлари билан тузилган шартнома асосида чиқиндиларни олиб чиқиш ва ҳудудларни ободонлаштириш хизматини кўрсатиш бўйича тўлов тарифлари юзасидан туман Ободонлаштириш бошқармаси бошлиғи биринчи ўринбосари Л. Жамиловнинг ҳисоботи қониқарли деб топилсин.

2. Туманда маиший чиқиндилар, агротехник ишлов беришдан ҳосил бўладиган чиқиндилар (дарахт ва бўта шох-шаббалаи, барглари) ҳамда маиший чиқиндиларни тўплаш ва олиб чиқиб кетиш бўйича хизмат кўрсатиш учун тўлов нархлари иловага мувофиқ маъқулланганлиги инобатга олинсин.

3. Туман ҳокимининг биринчи ўринбосари (М. Жумабоев)га тасдиқланган тарифларни амалиётга тўлиқ ва ўз вақтида жорий этилишини таъминлаш, туман Ободонлаштириш бошқармаси, Иқтисодиёт ва молия бўлими ҳамда бошқа манфаатдор ташкилотлар фаолиятини мувофиқлаштириш, шунингдек, барча тадбиркорлик субъектларига хизмат кўрсатишда ягона ёндашув ва тартиб-интизомни таъминлаш тавсия этилсин.

4. Туман ободонлаштириш бошқармаси бошлиғининг биринчи ўринбосари (Л. Жамилов)га марказий кўчаларда жойлашган тадбиркорлик субъектлари билан тузилган шартномалар асосида чиқиндиларни ўз вақтида ва сифатли олиб чиқиш, ҳудудларни санитария ва экологик талабларга мувофиқ ободонлаштириш, белгиланган тарифлар асосида хизматларни узлуксиз ташкил этиш, шартнома мажбуриятларини қатъий бажариш тавсия этилсин.

5. Туман иқтисодиёт ва молия бўлими (Н. Хотамов)га мазкур хизматлар учун белгиланган тарифларнинг иқтисодий асосланганлигини доимий равишда таҳлил қилиб бориш, хизматлар таннархи ва молиявий самарадорлигини ўрганиш, бюджет интизомига қатъий риоя этилишини таъминлаш ҳамда ушбу соҳада ортиқча харажатларнинг олдини олиш бўйича аниқ чоралар кўриб бориш тавсия этилсин.

6. Туман давлат солиқ инспекцияси бошлиғи (Ш. Бердиев)га хизматлар бўйича шаклланадиган барча тушумларнинг тўлиқ ва шаффоф ҳисобга олинишини таъминлаш, тадбиркорлик субъектлари билан ҳисоб-китобларнинг тўғри юритилишини назорат қилиш, яширин иқтисодиётнинг олдини олиш ҳамда солиқ базасини кенгайтириш юзасидан қатъий назорат чораларини амалга ошириш тавсия этилсин.

7. Ушбу қарор ижросини таъминлаш туман ҳокимининг қурулиш, қурилиш, тўсиқларсиз муҳит яратиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари — туман ободонлаштириш бошқармаси бошлиғи (Ж. Собиров) қарор ижросини назорат қилиш халқ депутатлари туман Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси (А. Қарабоев) зиммасига юклатилсин.

8. Ушбу қарор қабул қилинган кундан эътиборан 3 (уч) ойдан сўнг кучга киради.