Ўзбекистон Республикаси Президентининг 2025 йил 26 декабрдаги «Маҳаллий бюджетлар ва бюджет ташкилотларининг молиявий барқарорлигини ошириш, бюджет интизомини кучайтиришга доир қўшимча чора-тадбирлар тўғрисида»ги ПҚ-387-сонли қарори 8-бандида 2026 йил 1 январдан бошлаб ободонлаштириш бошқармалари томонидан туман (шаҳар)лар марказий кўчалари бўйидаги тадбиркорлик субъектлари билан тузилган шартнома асосида чиқиндиларни олиб чиқиш ва ҳудудларни ободонлаштириш хизматини кўрсатишга рухсат берилиши, бунда чиқиндиларни олиб чиқиш ва ҳудудларни ободонлаштириш хизматини кўрсатганлик бўйича тарифлар туман (шаҳар)лар ҳокимликлари томонидан халқ депутатлари туман (шаҳар)лар Кенгашларига кўриб чиқиш ва тасдиқлаш учун киритилиши белгилаб қўйилган.

Туман Ободонлаштириш бошқармаси томонидан туман марказий кўчалари бўйидаги тадбиркорлик субъектлари билан тузилган шартнома асосида чиқиндиларни олиб чиқиш ва ҳудудларни ободонлаштириш хизматини кўрсатиш бўйича тўлов тарифлари юзасидан Пахтакор тумани ҳокимлигининг 2026 йил 3 июндаги 03-116-сонли хатини инобатга олиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6- ва 24-моддаларига асосан халқ депутатлари туман Кенгаши қарор қилади:

1. Ўзбекистон Республикаси Президентининг 2025 йил 26 декабрдаги «Маҳаллий бюджетлар ва бюджет ташкилотларининг молиявий барқарорлигини ошириш, бюджет интизомини кучайтиришга доир қўшимча чора-тадбирлар тўғрисида»ги ПҚ-387-сонли қарори маълумот ва ижро учун қабул қилинсин.

2. Туман Ободонлаштириш бошқармасининг 2026 йил 17 апрелдаги 54-сонли ҳамда Пахтакор тумани ҳокимлигининг 2026 йил 3 июндаги 03-116-сонли хатлари маълумот учун қабул қилинсин.

3. Пахтакор туманида Ободонлаштириш бошқармаси томонидан туман марказий кўчалари бўйидаги тадбиркорлик субъектлари билан тузилган шартнома асосида чиқиндиларни олиб чиқиш ва ҳудудларни ободонлаштириш хизматини кўрсатганлик бўйича белгиланган тарифлар нархи иловага мувофиқ тасдиқлансин.

4. Туман Адлия бўлими, туман Экология ва атроф-муҳитни муҳофаза қилиш бўлими, туман Санитария эпидемиология осойишталиги ва жамоат саломатлиги бўлимига фуқароларнинг ҳуқуқий ва санитария-экологик саводхонлигини оширишга қаратилган тушунтириш ишларини ташкил этсин.

5. Туман ҳокимлиги ахборот хизмати (Р.Қурбонов), «Пахтакор ҳаёти» газетаси таҳририяти (М.Тўхташева)ларга мазкур қарорни оммавий ахборот воситалари ва ижтимоий тармоқлар орқали ҳамда «Пахтакор ҳаёти» газетасида расмий эълон қилиш тавсия этилсин.

6. Ушбу қарор расмий эълон қилинган кундан эътиборан уч ой ўтгач кучга киради.

7. Мазкур қарорнинг ижросини назорат қилиш халқ депутатлари туман Кенгашининг «Маҳаллий бюджет, иқтисодий ислоҳотларни амалга ошириш, инвестициялар ва тадбиркорликни ривожлантириш» масалалари бўйича доимий комиссияси зиммасига юклатилсин.