Ўзбекистон Республикасининг 2020 йил 23-сентябрдаги «Таълим тўғрисида»ги ЎРҚ-637-сонли Қонуни ижросини таъминлаш, шаҳар мактабгача ва мактаб таълими бўлимига қарашли умумий ўрта таълим ташкилотлари биринчи синфига болаларни етти ёшга тўладиган йилда қабул қилинишини ташкил этиш, болаларни биринчи синфга қабул қилишни яшаш жойидаги бириктирилган мактабларга микро ҳудудлар доирасида қамраб олиш ҳамда ўқувчиларнинг индивидуал ижобий хусусиятларини аниқлаш, қўллаб-қувватлаш ва ривожлантириш, уларнинг юксак даражада сифатли таълим ва тарбия олишлари, ижодий имкониятларини шакллантириш ва ривожлантириш учун шарт-шароитлар яратиб бериш мақсадида ҳамда Жиззах шаҳар Мактабгача ва мактаб таълими бўлимининг 2025 йил 21 апрелдаги 01-01/5-951-сон хати, «Маҳаллий давлат ҳокимияти тўғрисида»ги Қонунига асосан қарор қиламан:

1. Ўзбекистон Республикасининг 2020 йил 23-сентябрдаги «Таълим тўғрисида»ги ЎРҚ-637-сонли Қонуни раҳбарлик ва ижро учун қабул қилинсин.

2. Жиззах шаҳрида мактаб ёшидаги болаларни умумий ўрта таълим ташкилотларига бириктирилган микро ҳудуд бўйича қамраб олиш жадвали иловага мувофиқ тасдиқлансин.

3. Жиззах шаҳар мактабгача ва мактаб таълими бўлими (Ш.Фазилова)га:

Жиззах шаҳридаги мактаб ёшидаги болаларни умумий ўрта таълим ташкилотларига қамраб олиш шаҳар ҳокимининг қарори билан умумий ўрта таълим ташкилотларига бириктирилган ҳудудлар (микро ҳудуд) доирасида таълим ташкилоти педагог ходимлари томонидан болаларни бирма-бир (уйма-уй) рўйхатга олиш орқали амалга ошириш;

таълим олувчилар бепул асосида умумий ўрта таълимини олиши ва болаларни 1-синфга қабул қилиш яшаш жойидаги микро ҳудуд асосида давлат умумий ўрта таълим ташкилотига қабул қилиши белгилаб қўйиш;

мактаб ёшидаги болаларни умумий ўрта таълим ташкилотига жалб этиш тартиби Ўзбекистон Республикаси «Таълим тўғрисида»ги Қонунига асосан умумий ўрта таълимнинг биринчи синфига болалар улар 7 ёшга тўлганидан сўнг қабул қилиш;

умумий ўрта таълим ташкилотига микро ҳудуддаги олти ёшдан етти ёшгача бўлган болаларни бир йил давомида бепул умумий ўрта таълимга тайёрлашнинг мажбурийлигини кўрсатиб ўтиш;

умумий ўрта таълим ташкилотлари мактаб ёшидаги болаларни таълим ташкилотларига тўлиқ қамраб олиш, ўқувчиларнинг дарсларга қатнашиш ҳолати юзасидан мониторинг олиб бориш ва аниқланган муаммоларни бартараф этиш бўйича зарурий чоралар кўриш вазифаси юклатилсин.

4. Шаҳардаги 31 та умумий ўрта таълим ташкилоти раҳбарларига:

Мазкур қарор билан бириктирилган ҳудуд бўйича мактаб ёшидаги болаларни ўз вақтида умумий ўрта таълим ташкилотига ўқишга жалб қилишга шахсан масъул этиб белгилансин.

5. Хорижий фуқароларни умумий ўрта таълим ташкилотига ўқишга қабул қилиш тартиби Ўзбекистон Республикаси Вазирлар Маҳкамаси томонидан амалга оширилиши белгилаб қўйилсин.

6. Умумий ўрта таълим ташкилот битирувчиларига йўналишни ихтиёрий танлаш асосида таълимнинг ўрта махсус, касб-ҳунар таълими ташкилотларида давом эттириш ҳуқуқи берилсин.

7. Шаҳар ҳокими ўринбосари (С.Силлиев) га: Умумий ўрта таълим ташкилотлари раҳбарлари ва мактабгача ва мактаб таълими бўлими билан ҳамкорликда мактаб ёшидаги болаларни умумий ўрта таълим ташкилотларига тўлиқ қамраб олишини мониторингини олиб бориш ва аниқланган муаммоларни бартараф этиш бўйича зарурий чоралар кўрсин.

8. Шаҳар ташкилот раҳбарлари бир ҳафта муддатда ўзлари қабул қилган ҳуқуқий ҳужжатларни ушбу қарорга мувофиқлаштирсин.

9. Мазкур қарорнинг ижросини таъминлаш ва назорат қилиш шаҳар ҳокимининг ўринбосари С.Силлиев зиммасига юклатилсин.