Ўзбекистон Республикаси Вазирлар Маҳкамасининг 2023 йил 15 декабрдаги 668-сон «Ўзбекистон Республикаси Транспорт вазирлиги ҳузуридаги Транспорт назорати инспекцияси фаолиятини ташкил этиш чора-тадбирлари тўғрисида»ги қарорига мувофиқ буюраман:

1. Ўзбекистон Республикаси транспорт вазирининг 2022 йил 9 июндаги 7-сон буйруғи (рўйхат рақами 3376, 2022 йил 27 июль) (Қонунчилик маълумотлари миллий базаси, 27.07.2022 й., 10/22/3376/0682-сон) билан тасдиқланган Темир йўл транспорти ҳамда метрополитенда ҳаракат ва ташишлар хавфсизлиги талабларининг бузилиши билан боғлиқ ҳодисаларни таснифлаш, хизмат текширувини олиб бориш ва ҳисобга олиш тартиби тўғрисидаги низомга иловага мувофиқ ўзгартириш ва қўшимчалар киритилсин.

2. Мазкур буйруқ Ўзбекистон Республикаси Ички ишлар вазирлиги, Фавқулодда вазиятлар вазирлиги, Давлат хавфсизлик хизмати ва Савдо-саноат палатаси билан келишилган.

3. Мазкур буйруқ расмий эълон қилинган кундан эътиборан кучга киради.

1. 3-банднинг биринчи хатбошисидаги «эпикировка пунктларида» деган сўзлар «экипировка пунктларида» деган сўзлар билан алмаштирилсин.

2. 5-банднинг ўнинчи хатбошиси қуйидаги таҳрирда баён этилсин:

«ҳаракатдаги таркибнинг ўз-ўзидан ёки ташқи таъсир кучи остида рухсат этилмаган (бошқарувсиз) ҳаракатланиши;».

3. 6-бандда:

учинчи хатбоши чиқариб ташлансин;

тўртинчи — ўн учинчи хатбошилар тегишли равишда учинчи — ўн иккинчи хатбошилар деб ҳисоблансин.

4. 7-банд қуйидаги таҳрирда баён этилсин:

«7. Темир йўл транспортида ҳаракат ва ташишлар хавфсизлигининг бузилиши енгиб бўлмайдиган куч, яъни фавқулодда ва муайян шароитларда олдини олиб бўлмайдиган вазиятлар (табиий офатлар, гидрометеорологик ва геологик хавфли ҳодисалар билан боғлиқ фавқулодда вазиятлар) ёки учинчи томон таъсирида содир бўлган ҳолатлар (ишлаб чиқарувчи (етказиб берувчи)нинг кафолат муддати даврида ҳаракатдаги таркиб, темир йўл инфратузилмаси объектлари ёки уларнинг эҳтиёт қисмларидаги носозликлар, темир йўл транспорти ходимларининг иш фаолияти билан боғлиқ бўлмаган ҳолатдаги темир йўл кесишмаларида содир бўлган тўқнашувлар, темир йўл изларига бегона шахслар томонидан буюмлар қўйилиши ёки қолдирилиши) бошқа ҳодисалар сифатида баҳоланади.».

5. 11-банднинг ўн еттинчи хатбошисидаги «блакировкалаш» деган сўз «блокировкалаш» деган сўз билан алмаштирилсин.

6. 12-бандда:

олтинчи ва еттинчи хатбошилар қуйидаги таҳрирда баён этилсин:

«йўловчи поездларига ёрдамчи поезд талаб қилиниши;

светофорнинг тақиқловчи ишорасидан ўтиб кетиш ҳолатини юзага келишига сабаб бўлган рухсат ишорасини тақиқловчи ишорага алмашиб қолиши;»;

саккизинчи хатбошидаги «узатилишини рухсатсиз тўхтатилиши» деган сўзлар «узатилишининг носозлик сабабли тўхтатилиши» деган сўзлар билан алмаштирилсин;

ўн биринчи хатбоши чиқариб ташлансин.

7. 13-банддан «(темир йўл изларига бегона шахслар томонидан буюмлар ташланиши)» деган сўзлар чиқариб ташлансин.

8. 17-банднинг иккинчи хатбошисидаги «Тошкент метрополитени» ДУК бошлиғининг» деган сўзлар «Тошкент метрополитени» АЖ бошқарув раисининг» деган сўзлар билан алмаштирилсин.

9. 19-бандда:

еттинчи хатбоши қуйидаги таҳрирда баён этилсин:

«текширув материалларини ушбу Низом талабларига мувофиқ расмийлаштириш ҳамда мазкур материаллар нусхаларини ўн беш иш кунидан кўп бўлмаган муддатда Транспорт назорати инспекциясига тақдим этиш. Объектив сабабларга кўра ушбу муддат яна ўн беш иш кунигача узайтирилиши мумкин. Бунда объектив сабабларга қўшимча экспертиза ёки тадқиқотлар ўтказиш зарурати, тергов натижаларини кутиш, қўшимча ҳужжат ва маълумотларни олиш киради.».

10. 29-банд қуйидаги таҳрирда баён этилсин:

«29. Хизмат текшируви натижалари бўйича вазирлик комиссияси, темир йўл транспорти субъекти комиссияси ва метрополитен комиссияси томонидан барча материалларни ўз ичига олган иккита асл нусхада йиғмажилд шакллантирилади.

Бунда ушбу йиғмажилднинг бир нусхаси темир йўл транспорти субъектига, иккинчи нусхаси эса Транспорт назорати инспекциясининг тегишли ҳудудий бўлинмасига тақдим этилади. Бошқа ташкилотларга ҳужжатлар электрон тарзда тақдим этилиши мумкин.».

11. 30-бандда:

бешинчи хатбошидаги «Тошкент метрополитени» ДУКнинг» деган сўзлар «Тошкент метрополитени» АЖнинг» деган сўзлар билан алмаштирилсин;

еттинчи хатбоши «техник хулоса» деган сўзлардан кейин «(фақат поездлар ҳалокати ва авариялар бўйича)» деган сўзлар билан тўлдирилсин;

саккизинчи хатбоши «дастлабки ташхислар» деган сўзлардан кейин «(фақат поездлар ҳалокати ва авариялар бўйича)» деган сўзлар билан тўлдирилсин;

ўнинчи хатбошидаги «асосида» деган сўз «мавжуд бўлса» деган сўзлар билан алмаштирилсин;

ўн биринчи хатбоши «таҳлили натижалари» деган сўзлардан кейин «(жиҳозланган бўлса)» деган сўзлар билан тўлдирилсин;

ўн иккинчи хатбоши «таҳлили натижалари» деган сўзлардан кейин «(жиҳозланган бўлса)» деган сўзлар билан тўлдирилсин;

ўн тўртинчи хатбоши «варақлари» деган сўздан кейин «(метрополитен бундан мустасно)» деган сўзлар билан тўлдирилсин;

ўн олтинчи хатбоши «нусхаси» деган сўздан кейин «(поездлар графиги юритилмайдиган ҳолатлар бундан мустасно)» деган сўзлар билан тўлдирилсин;

ўн еттинчи хатбоши «кўчирмалар» деган сўздан кейин «(фақат поездлар ҳалокати ва авариялар бўйича)» деган сўзлар билан тўлдирилсин;

йигирманчи хатбоши «маълумотнома» деган сўздан кейин «(метрополитен бундан мустасно)» деган сўзлар билан тўлдирилсин;

йигирма учинчи хатбошидаги «Тошкент метрополитени» ДУКга» деган сўзлар «Тошкент метрополитени» АЖга» деган сўзлар билан алмаштирилсин.

12. 31-банднинг биринчи хатбошиси қуйидаги таҳрирда баён этилсин:

«31. Йиғмажилднинг асл нусхалари Транспорт назорати инспекцияси ва «Тошкент метрополитени» АЖ ёки темир йўл транспорти субъектига берилади.».

13. 32-бандда:

биринчи хатбошидаги «Тошкент метрополитени» ДУК» деган сўзлар «Тошкент метрополитени» АЖ» деган сўзлар билан алмаштирилсин;

иккинчи хатбошидан «Ўзбекистон Республикаси Транспорт вазирлиги ҳамда» деган сўзлар чиқариб ташлансин.

14. 33-бандда:

биринчи хатбошидаги «Тошкент метрополитени» ДУК» деган сўзлар «Тошкент метрополитени» АЖ» деган сўзлар билан алмаштирилсин;

иккинчи хатбошидаги «Тошкент метрополитени» ДУКнинг» ва «Ўзбекистон Республикаси Транспорт вазирлигига» деган сўзлар тегишли равишда «Тошкент метрополитени» АЖнинг» ва «Транспорт назорати инспекциясига» деган сўзлар билан алмаштирилсин;

қуйидаги мазмундаги учинчи хатбоши билан тўлдирилсин:

«Объектив сабабларга кўра ушбу муддат яна ўн беш иш кунигача узайтирилиши мумкин. Бунда объектив сабабларга қўшимча экспертиза ёки тадқиқотлар ўтказиш зарурати, тергов натижаларини кутиш, қўшимча ҳужжат ва маълумотларни олиш киради.».

15. 34-банддаги «Тошкент метрополитени» ДУК» деган сўзлар «Тошкент метрополитени» АЖ» деган сўзлар билан алмаштирилсин;

16. 35-банд қуйидаги таҳрирда баён этилсин:

«35. Темир йўл транспортида ёки метрополитенда содир бўлган поездлар ҳалокати ва авариялар тўғрисидаги маълумотлар ушбу Низомнинг 9-иловасига, ишдаги алоҳида ҳодисалар, ишдаги ҳодисалар ҳамда бошқа ҳодисалар тўғрисидаги маълумотлар эса 10-иловасига мувофиқ темир йўл транспорти субъекти ёки «Тошкент метрополитени» АЖ томонидан расмийлаштирилиб, Транспорт назорати инспекциясига тақдим этилади.».

17. 9-илованинг матнидаги «эпикировка пунктларида» деган сўзлар «экипировка пунктларида» деган сўзлар билан алмаштирилсин.

18. 10-иловада:

а) «Ишдаги алоҳида ҳодисалар» бўлимида:

«Темир йўл транспортида» бобининг саккизинчи позициясидаги «Темир йўлнинг ҳаракатдаги таркиби поездни қабул қилиш, жўнатиш йўналишига ёки бекат оралиғига кетиб қолиши» деган сўзлар «Ҳаракатдаги таркибнинг ўз-ўзидан ёки ташқи таъсир кучи остида рухсат этилмаган (бошқарувсиз) ҳаракатланиши» деган сўзлар билан алмаштирилсин;

«Метрополитенда» бобининг ўн бешинчи позициясидаги «блакировкалаш» деган сўз «блокировкалаш» деган сўз билан алмаштирилсин.

б) «Ишдаги ҳодисалар» бўлимида:

«Темир йўл транспортида» бобидан биринчи позиция чиқариб ташлансин;

«Метрополитенда» бобида:

бешинчи позициядаги «Ҳаракатдаги таркибни рухсат этилмасдан ортга ҳаракатланиши» деган сўзлар «Йўловчи поездларига ёрдамчи поезд талаб қилиниши» деган сўзлар билан алмаштирилсин;

олтинчи позициядаги «Поезддаги махсус улагич ускуналарнинг ўз-ўзидан ажралиб кетиши» деган сўзлар «Светофорнинг тақиқловчи ишорасидан ўтиб кетиш ҳолатини юзага келишига сабаб бўлган рухсат ишорасини тақиқловчи ишорага алмашиб қолиши» деган сўзлар билан алмаштирилсин;

еттинчи позициядаги «узатилишини рухсатсиз тўхтатилиши» деган сўзлар «узатилишининг носозлик сабабли тўхтатилиши» деган сўзлар билан алмаштирилсин;

ўнинчи позиция чиқариб ташлансин.