Moddiy-texnika resurslari narxlari muntazam ravishda o‘sib borayotganligi, ish haqi darajasi oshishi munosabati bilan hamda qishloq va o‘rmon xo‘jaligini yuritish bilan bog‘liq bo‘lmagan ehtiyojlarga ajratiladigan yerlar uchun qishloq xo‘jaligi va o‘rmon xo‘jaligi ishlab chiqarishi nobudgarchiligini to‘liq qoplash maqsadida Vazirlar Mahkamasi qaror qiladi:

Belgilab qo‘yilsinki, Vazirlar Mahkamasining 1992-yil 15-iyundagi 282-son qarori bilan tasdiqlangan O‘zbekiston Respublikasida yerlarning qishloq va o‘rmon xo‘jaligini yuritish bilan bog‘liq bo‘lmagan ehtiyojlar uchun olinishi munosabati bilan qishloq xo‘jaligi va o‘rmon xo‘jaligi ishlab chiqarish nobudgarchiligi hajmlarini aniqlash hamda ularning o‘rnini qoplash tartibi to‘g‘risidagi nizomning 20-bandi hamda 1 va 2-jadvallarda belgilangan qishloq xo‘jaligi ehtiyojlari bilan bog‘liq bo‘lmagan maqsadlarda olib qo‘yiladigan teng bahodagi yangi sug‘oriladigan va lalmi yerlarni, shuningdek, pichanzorlar va yaylovlarni o‘zlashtirish qiymati 1994-yil yanvar oyidan boshlab kamida 50 baravar oshadi.