Ўзбекистон Республикаси Президентининг 2025 йил 16 сентябрдаги 286-сон қарори ҳамда Ўзбекистон Республикаси Вазирлар Маҳкамасининг 2017 йил 15 мартдаги «Умумий ўрта таълим тўғрисидаги низомни тасдиқлаш ҳақида»ги 140-сон қарори билан тасдиқланган Низомнинг 5-боб 39-банди, шунингдек, туман Мактабгача ва мактаб таълими бўлимининг 2026 йил 16 мартдаги «Мактаб ёшидаги болаларни мажбурий таълимга жалб этиш мақсадида тумандаги ҳар бир таълим муассасасига ҳудуд ва микроҳудудлар бириктириш тўғрисида»ги 01-06-/219-сонли мурожаатига мувофиқ ҳамда умумий ўрта таълим мактаблари 1-синфига қабул жараёнларини электрон шаклда ташкил этиш, шаффоф ва самарали ўтказиш, ота-оналар учун қулайлик яратиш мақсадида, қарор қиламан:

1. Туман Мактабгача ва мактаб таълими бўлимининг 2026 йил 16 мартдаги «Мактаб ёшидаги болаларни мажбурий таълимга жалб этиш мақсадида тумандаги ҳар бир таълим муассасасига ҳудуд ва микроҳудудлар бириктириш тўғрисида»ги 01-06/219-сонли мурожаати инобатга олинсин.

2. Туман Мактабгача ва мактаб таълими бўлими тасарруфидаги ҳар бир таълим муассасасига ҳудуд ва микроҳудудлар бириктириш жадвали 1-иловага мувофиқ тасдиқлансин.

3. Мазкур қарор расмий эълон қилинган кундан эътиборан кучга киради.

4. Ушбу қарор қабул қилиниши муносабати билан Данғара тумани ҳокимининг 2024 йил 4 июндаги 121-11-155-Қ/24-сонли «Мактаб ёшидаги болаларни мажбурий таълимга жалб этиш мақсадида тумандаги ҳар бир таълим муассасасига ҳудуд ва микроҳудудлар бириктириш тўғрисида»ги қарори, Данғара тумани Адлия бўлимининг 2026 йил 8 апрель кунидаги 16/1-1/255-сонли тақдимномасига асосан 2026 йил 1 апрель кунидаги «Мактаб ёшидаги болаларни мажбурий таълимга жалб этиш мақсадида тумандаги ҳар бир таълим муассасасига ҳудуд ва микроҳудудлар бириктириш тўғрисида»ги 71-11-155-Қ/26-сонли қарори ўз кучини йўқотган деб ҳисоблансин.

5. Ушбу қарор ижросини назорат қилиш туман ҳокими ўринбосари Ш.Уринова ҳамда туман Мактабгача ва мактаб таълими бўлими бошлиғи А. Содиқов зиммасига юклатилсин.