Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) томонидан 2026 йил 8 апрелда қонунчилик ташаббуси тартибида киритилган «Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) тўғрисида»ги Ўзбекистон Республикаси Қонуни қабул қилинганлиги муносабати билан Ўзбекистон Республикасининг Маъмурий жавобгарлик тўғрисидаги кодексига ўзгартириш киритиш ҳақида»ги ҚТ-9-сонли қонунчилик таклифи маъқуллансин.

2. Ўзбекистон Республикаси Олий Мажлиси Қонунчилик палатасининг Демократик институтлар ва фуқаролик жамиятини ривожлантириш масалалари қўмитаси мазкур қонунчилик таклифидаги ўзгартиришни назарда тутувчи қонун лойиҳасини тайёрлаш ҳамда депутатларнинг қонунчилик ташаббуси ҳуқуқи асосида Ўзбекистон Республикаси Олий Мажлисининг Қонунчилик палатасига киритиш масаласини кўриб чиқсин.

3. Ушбу Қарор қабул қилинган кундан эътиборан кучга киради.