Ўзбекистон Республикаси Олий Мажлиси Қонунчилик палатасининг 2025 йилдаги фаолияти якунларига кўра халқ манфаатларини ҳимоя қилишда фаоллик кўрсатганлиги, ўз сайловчилари билан доимий мулоқотда бўлганлиги, жисмоний ва юридик шахсларнинг мурожаатларини кўриб чиқишда, ўз сайлов округидаги муаммоларни бартараф этишда депутат назоратидан фаол фойдаланганлиги инобатга олиниб, шунингдек Ўзбекистон Республикаси Олий Мажлиси Қонунчилик палатаси депутатларини ва Девони ходимларини маънавий ва моддий рағбатлантириш бўйича комиссия тавсиясига мувофиқ Қонунчилик палатасининг Кенгаши киритган таклифга асосан Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Олий Мажлиси Қонунчилик палатасининг депутати Мохира Мирзахмадовна Ходжаевага «Халқпарвар депутат» мақоми берилсин.

2. Ўзбекистон Республикаси Олий Мажлиси Қонунчилик палатасининг депутати М.М. Ходжаевага «Халқпарвар депутат» гувоҳномаси ҳамда базавий ҳисоблаш миқдорининг беш баравари миқдорида бир марталик пул мукофоти берилсин.

3. Ўзбекистон Экологик партиясига М.М. Ходжаевани Ўзбекистон Республикаси Олий Мажлиси Қонунчилик палатасига бўлиб ўтадиган кейинги сайловларда депутатликка номзод сифатида кўрсатиш тавсия этилсин.

4. Ушбу Қарор қабул қилинган кундан эътиборан кучга киради.