Ўзбекистон Республикасининг Фуқаролик кодекси, Ўзбекистон Республикаси Президентининг 2023 йил 9 мартдаги ПҚ-88-сон «Аҳоли томонидан тўловларни амалга оширишда қўшимча қулайликлар яратиш тўғрисида»ги қарорига мувофиқ Ўзбекистон Республикаси Марказий банки бошқаруви қарор қилади:

1. Ўзбекистон Республикаси Марказий банки бошқарувининг 2023 йил 25 апрелдаги 10/7-сон «Бенефициари бюджет ва корпоратив буюртмачилар бўлган тўловларни амалга оширишда тўланадиган воситачилик ҳақи (йиғимлар)нинг чегаравий миқдорини белгилаш ҳақида»ги қарорининг (рўйхат рақами 3429, 2023 йил 25 апрель) (Қонунчилик маълумотлари миллий базаси, 26.04.2023 й., 10/23/3429/0229-сон) 1-банди қуйидаги таҳрирда баён этилсин:

«1. Жисмоний шахслар томонидан Ўзбекистон Республикаси Президентининг 2023 йил 9 мартдаги ПҚ-88-сон «Аҳоли томонидан тўловларни амалга оширишда қўшимча қулайликлар яратиш тўғрисида»ги қарорининг иловасида кўрсатилган тўловларни амалга оширишда ҳар бир транзакция бўйича тўлов хизматлари учун бюджет ва корпоратив буюртмачилар томонидан тўланадиган воситачилик ҳақи (йиғимлар)нинг чегаравий миқдори базавий ҳисоблаш миқдорининг 20 фоизи этиб белгилансин, бундан бюджет ва корпоратив буюртмачилар билан тузилган шартномаларда бошқача шартлар назарда тутилган ҳолатлар мустасно.».

2. Ушбу қарор Ўзбекистон Республикаси Иқтисодиёт ва молия вазирлиги, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ҳамда Савдо-саноат палатаси билан келишилган.

3. Мазкур қарор расмий эълон қилинган кундан эътиборан кучга киради.