LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi vakillarini Yaponiyada o‘qitishni tashkil etish uchun Yaponiya Hukumatining 58 mln. Yaponiya yeni miqdoridagi grantidan samarali foydalanish maqsadida Vazirlar Mahkamasi qaror qiladi:
1. Yaponiya Hukumatining O‘zbekiston Respublikasi vakillarini Yaponiyaning yetakchi universitetlari magistraturasida o‘qitishni tashkil etish to‘g‘risidagi taklifi qabul qilinsin.
20 kishidan iborat nomzodlarni tanlab olish Yaponiya xalqaro hamkorlik agentligi (JICA), O‘zbekiston Respublikasi Oliy va o‘rta maxsus ta’lim vazirligi hamda Tashqi iqtisodiy aloqalar agentligi tomonidan amalga oshirilishi ma’lumot uchun qabul qilinsin.
2. O‘zbekiston Respublikasi Bosh vazirining o‘rinbosari H.S. Karomatov Ayirboshlash notasi tarzidagi bitimni O‘zbekiston Respublikasi Hukumati nomidan imzolashga vakil qilinsin.
O‘zbekiston Respublikasi Oliy va o‘rta maxsus ta’lim vazirligiga — Yaponiya tomoni bilan kelishgan holda loyihani amalga oshirish uchun beg‘araz yordam mablag‘larini olish va ularga xizmat ko‘rsatishga doir barcha tartibotlarni rasmiylashtirish, shu jumladan stipendiatlarni birgalikda tanlash va Yaponiyaga yuborish;
O‘zbekiston Respublikasi Tashqi iqtisodiy faoliyat milliy bankiga — yuqorida ko‘rsatilgan beg‘araz yordam hisob-kitobi yuzasidan xizmat ko‘rsatish yuklansin.
4. O‘zbekiston Respublikasi Davlat soliq qo‘mitasi, Davlat bojxona qo‘mitasi Ayirboshlash notalarida belgilangan O‘zbekiston Respublikasi Hukumatining qabul qilingan majburiyatlari bajarilishini ta’minlasinlar.
5. O‘zbekiston Respublikasi Tashqi ishlar vazirligi Oliy va o‘rta maxsus ta’lim vazirligining buyurtmanomalari bo‘yicha loyihani amalga oshirishda qatnashuvchi xorijiy mutaxassislarga kirish vizalari konsullik yig‘imlari undirilmasdan belgilangan tartibda rasmiylashtirilishini ta’minlasin.
6. O‘zbekiston Respublikasi Ichki ishlar vazirligi Oliy va o‘rta maxsus ta’lim vazirligining buyurtmanomalari bo‘yicha loyihani amalga oshirishda qatnashuvchi Yaponiya mutaxassislarini davlat boji undirmasdan yashash joyida vaqtincha ro‘yxatdan o‘tkazsin va vaqtincha ro‘yxatdan o‘tkazishni uzaytirsin.
manfaatdor vazirliklar va idoralar bilan birgalikda mazkur toifadagi yosh mutaxassislarni ishga joylashtirish bo‘yicha zarur chora-tadbirlarni amalga oshirsin;
8. Manfaatdor vazirliklar va idoralar, konsernlar va korporatsiyalar, korxonalar va tashkilotlar magistraturani bitirib chiqqan Yaponiya grantlari sohiblarining ustuvor ravishda ishga qabul qilinishini hamda ular uchun zarur ish sharoitlari yaratilishini ta’minlasinlar.