Халқ депутатлари Ҳазорасп туман Кенгашининг 2024 йил 27 декабрдаги «Ҳазорасп туманининг 2025 йилги маҳаллий бюджетини тасдиқлаш тўғрисида»ги VII-5-033-12-174-К/24-сон қарори қабул қилинган.

Бугунги кунда ушбу қарорни 2-иловасига амалдаги қонунчилик ҳужжатлари талабларига мувофиқлаштириш учун бюджет параметрларига тегишли ўзгартиришлар киритиш лозим.

Ўзбекистон Республикаси «Маҳаллий давлат ҳокимияти тўғрисида»ги Қонунининг 6, 24-моддалари, Бюджет кодексининг 127, 148-моддалари, «2026 йил учун Ўзбекистон Республикасининг Давлат бюджети тўғрисида»ги Қонунига асосан халқ депутатлари Ҳазорасп туман Кенгаши қарор қилади:

1. Ҳазорасп тумани маҳаллий бюджетидан ҳудудий маблағларини тақсимловчиларга ажратиладиган маблағлар бўйича 2025 йилда тасдиқланган харажатлар 113 млрд 60 млн 250 минг сўм бўлиб, бюджет параметрларига киритилган ўзгаришлардан кейин режа 153 млрд 665 млн 570 минг сўм, яъни тасдиқланган режага нисбатан 40 млрд 605 млн 320 минг сўмга кўп харажатларни ташкил қилганлиги маълумот учун қабул қилинсин.

2. Ҳазорасп туман иқтисодиёт ва молия бўлими бошлиғи биринчи ўринбосари Ш. Хўжаниёзовнинг бюджет параметрларига қўшимча ўзгартириш киритиш юзасидан таклифи маъқуллансин.

3. Ҳазорасп туманининг маҳаллий бюджетидан маблағ олувчиларига ажратиладиган маблағларнинг чекланган миқдорларига 2025 йил давомида киритилган ўзгаришлар иловага мувофиқ тасдиқлансин.

4. Ушбу қарорнинг ижросини назорат қилиш халқ депутатлари Ҳазорасп туман Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссия раиси Қ. Назаров зиммасига юклатилсин.