«2026 йил учун Ўзбекистон Республикасининг Давлат бюджети тўғрисида»ги Қонуни, Ўзбекистон Республикаси Президентининг 2025 йил 26 декабрдаги «Маҳаллий бюджетлар ва бюджет ташкилотларининг молиявий барқарорлигини ошириш, бюджет интизомини кучайтиришга доир қўшимча чора-тадбирлар тўғрисида»ги ПҚ-387-сонли қарори ижросини таъминлаш, шунингдек, «Маҳаллий давлат ҳокимияти тўғрисида»ги Қонуннинг 6, 24-моддаларига асосан халқ депутатлари Жиззах шаҳар Кенгаши қарор қилади:

1. Ўзбекистон Республикаси Президентининг 2025 йил 26 декабрдаги «Маҳаллий бюджетлар ва бюджет ташкилотларининг молиявий барқарорлигини ошириш, бюджет интизомини кучайтиришга доир қўшимча чора-тадбирлар тўғрисида»ги 387-сонли қарори 2-банди в-кичик бандида халқ депутатлари туман (шаҳар) Кенгашларига алкоголь маҳсулотларини (бундан пиво мустасно) реализация қилиш ҳуқуқи ҳамда умумий овқатланиш корхоналари томонидан алкоголь маҳсулотларини (бундан пиво мустасно) реализация қилиш учун йиғимларнинг чекланган ставкаларини 20 фоизгача ошириш ваколати берилганлиги ижро учун қабул қилинсин.

2. 2026 йил учун Жиззах шаҳар ҳудудида алкоголь маҳсулотларини (бундан пиво мустасно) реализация қилиш ҳуқуқи ҳамда умумий овқатланиш корхоналари томонидан алкоголь маҳсулотларини (бундан пиво мустасно) реализация қилиш учун йиғимларнинг миқдорлари иловага мувофиқ тасдиқлансин.

3. Жиззах шаҳар ҳокимининг биринчи ўринбосари С. Ҳайдаров, шаҳар Солиқ инспекцияси (Х. Умуров) мазкур қарор ижросини ўз вақтида ва самарали таъминлаш вазифалари юклатилсин.

4. Ушбу қарор «Жиззах овози» газетасида расмий эълон қилинсин ҳамда шаҳар ҳокимлигининг расмий веб-сайтига жойлаштирилсин.

5. Ушбу қарор расмий эълон қилинган кундан эътиборан 3 ойдан кейин кучга киради.

6. Мазкур қарор бажарилишини назорат қилиш, халқ депутатлари шаҳар Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси (Ш. Азимов) зиммасига юклатилсин.