Ўзбекистон Республикаси Президентининг 2025 йил 26 декабрдаги «Маҳаллий бюджетлар ва бюджет ташкилотларининг молиявий барқарорлигини ошириш, бюджет интизомини кучайтиришга доир қўшимча чора-тадбирлар тўғрисида»ги ПҚ-387-сонли қарори ҳамда Янгиобод туман солиқ инспекциясининг таклифига асосан туманда 2026 йилда алкоголь маҳсулотларини реализация қилиш ҳуқуқи ҳамда умумий овқатланиш корхоналари томонидан алкоголь маҳсулотларини реализация қилиш учун йиғимларнинг чекланган ставкаларини ошириш мақсадида, «Маҳаллий давлат ҳокимияти тўғрисида»ги Ўзбекистон Республикаси Қонунининг 6- ва 24-моддаларига мувофиқ халқ депутатлари туман Кенгаши қарор қилади:

1. Ўзбекистон Республикаси Президентининг 2025 йил 26 декабрдаги «Маҳаллий бюджетлар ва бюджет ташкилотларининг молиявий барқарорлигини ошириш, бюджет интизомини кучайтиришга доир қўшимча чора-тадбирлар тўғрисида»ги 387-сонли қарорининг 2-хатбоши «в»-бандига мувофиқ халқ депутатлари туман (шаҳар) Кенгашларига алкоголь маҳсулотларини (бундан пиво мустасно) реализация қилиш ҳуқуқи ҳамда умумий овқатланиш корхоналари томонидан алкоголь маҳсулотларини (бундан пиво мустасно) реализация қилиш учун йиғимларнинг чекланган ставкаларини 20 фоизгача ошириш ваколати берилганлиги маълумот учун қабул қилинсин.

2. Депутатлар томонидан билдирилган таклифларни инобатга олиб Янгиобод тумани бўйича 2026 йил учун алкоголь маҳсулотларини (бундан пиво мустасно) реализация қилиш ҳуқуқи ҳамда умумий овқатланиш корхоналари томонидан алкоголь маҳсулотларини (бундан пиво мустасно) реализация қилиш учун йиғимларнинг чекланган миқдори иловага мувофиқ тасдиқлансин.

3. Туман солиқ инспекцияси (А. Суюнов)га белгиланган тартибда йиғимларнинг тўлиқ ва ўз вақтида ундирилишини таъминлаш;

тадбиркорлик субъектларига мазкур қарорнинг мазмун-моҳияти юзасидан тушунтириш ишларини олиб бориш вазифаси юклатилсин.

4. Йиғимлардан тушган тушумлар тўлиқ миқдорда туман бюджетига йўналтирилсин.

5. Ушбу қарор расман «Янгиобод овози» газетасида эълон қилинсин ҳамда туман ҳокимлигининг веб-сайтига жойлаштирилсин.

6. Ушбу қарор ижросини таъминлаш туман ҳокимининг биринчи ўринбосари Р. Абдуғаниев зиммасига юклансин.

7. Мазкур қарор ижросини назорат қилиш халқ депутатлари туман Кенгашининг Маҳаллий бюджет, иқтисодий ислоҳотларни амалга ошириш, инвестициялар ва тадбиркорликни ривожлантириш масалалари доимий комиссияси зиммасига юклатилсин.

8. Ушбу қарор расман эълон қилинган кундан эътиборан 3 ойдан кейин кучга киради.