Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора тадбирлари тўғрисида»ги ПҚ-5-сон қарори ижросини таъминлаш мақсадида Ўзбекистон Республикаси «Маҳаллий давлат ҳокимияти тўғрисидаги Қонунининг 6- ва 24-моддаларига мувофиқ халқ депутатлари туман Кенгаши қарор қилади:

1. Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сонли қарори ижро учун қабул қилинсин.

2. Ўзбекистон Республикаси Вазирлар Маҳкамасининг 2013 йил 19 мартдаги «Сувдан фойдаланиш ва сувдан фойдаланиш тартиби тўғрисида»ги 82-сонли қарори ҳамда Зафаробод туман «Сув етказиб бериш хизмати» ДМнинг 2026 йил 24 январдаги 110-сонли хати асос учун қабул қилинсин.

3. Зафаробод туманида 2025 йил вегетация даври учун белгиланган якуний истеъмолчилар кесимида экинларни суғориш учун қайта ишлаб чиқилган сув лимити иловага мувофиқ тасдиқлансин.

4. Мазкур қарор қабул қилиниши муносабати билан халқ депутатлари Зафаробод туман Кенгашининг 2025 йил 6 майдаги VII-8-55-3-50-К/25-сонли қарорининг иловаси ўз кучини йўқотган деб ҳисоблансин.

5. Халқ депутатлари туман Кенгаши котибияти (Б.Ҳамрақулов) ушбу қарор қабул қилиниши муносабати билан киритилаётган ўзгартиришларни манфаатдор ташкилот ва муассасаларга етказилишини таъминласин.

6. Ушбу қарорнинг ижросини назорат қилиш халқ депутатлари Зафаробод туман Кенгашининг «Аграр, қурилиш, коммунал соҳалар, экология, саноат ва транспорт масалалари бўйича» доимий комиссияси (Ҳ.Исматов) зиммасига юклатилсин.