«Маҳаллий давлат ҳокимияти тўғрисида»ги Ўзбекистон Республикаси Қонунининг 6 ва 24-моддаларига мувофиқ, Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш бўйича Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги Эксперт комиссиясининг 2025 йил 07 ноябрдаги 05-19-19626-сонли йиғилиш баёни ва хулосасини кўриб чиқиб ва «Географик объектларнинг номлари тўғрисида»ги Ўзбекистон Республикаси Қонунига асосланиб, Халқ депутатлари Қарши шаҳар Кенгаши қарор қилади:

1. Иқтисодиёт ва молия вазирлиги ҳузуридаги кадастр агентлиги, Геофрафик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш эксперт комиссиясининг 2025 йил 07 ноябрдаги 05-19-19626-сонли Экспертиза хулосаси ҳамда шаҳар ҳокимининг маънавият ва давлат тили масалалари бўйича маслаҳатчиси Ж. Пўлатовнинг ҳисоботи маълумот учун қабул қилинсин.

2. Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги эксперт комиссиясининг 2025 йил 07 ноябрдаги 05-19-19626-сонли йиғилиш баёни ва Давлат экспертизаси хулосасига асосан шаҳардаги жами 3 та географик объектларни номлаш ва қайта номлаш бўйича берилган экспертиза хулосаси Ўзбекистон Республикаси «Географик объектларнинг номлари тўғрисида»ги Қонунининг 4-моддасига мувофиқ деб ҳисобланганлиги инобатга олинсин ҳамда кўчаларнинг номлари маҳаллалар кесимида 1-иловага мувофиқ тасдиқлансин.

3. Шаҳар ҳокимлиги ахборот хизмати (У. Жабборов), шаҳар ҳокимининг маънавият ва давлат тили масалалари бўйича маслаҳатчиси Ж. Пўлатовнинг билан биргаликда Ўзбекистон Республикаси «Географик объектларнинг номлари тўғрисида»ги ҳамда «Давлат тили тўғрисида»ги Қонунлари талаблари асосида ушбу олиб борилган ишларни оммавий ахборот воситаси ҳамда ижтимоий тармоқлар орқали кенг ёритиб бориш тавсия этилсин.

4. Ушбу қарорнинг ижросини назорат қилиш халқ депутатлари шаҳар Кенгашининг ижтимоий соҳа, ёшлар сиёсати, маданият ва спорт масалалари бўйича доимий комиссияси (Э. Хасанова) ҳамда шаҳар ҳокимининг маънавият ва давлат тили масалалари бўйича маслаҳатчиси (Ж. Пўлатовнинг)лар зиммасига юклатилсин.

5. Мазкур қарор қабул қилинган кундан эътиборан кучга киради.