Ўзбекистон Республикаси Бюджет кодексининг 147-моддаси ҳамда Халқ Депутатлари вилоят Кенгашининг 2026 йил 11 февралдаги VII-22-6-2-0-/26-сонли қарорига асосан вилоят, шаҳарлар ва туманлар маҳаллий бюджетларининг 2025 йил даромадлари ва харажатлари режасига киритилган тегишли ўзгартиришлар тасдиқланган.

Бунда, тегишли маҳаллий бюджет даромадларининг ҳар чорак якуни билан прогноз ижроси ҳамда бюджет ташкилотларининг сўровига асосан иш ҳақи ва унга тенглаштирилган тўловлар, коммунал хизмат ва сақлаш билан боғлиқ кутилмаган харажатларни ўз вақтида амалга ошириш ва кредитор қарздорликларни олдини олиш мақсадида ўзгартиришлар киритилган.

Бундан ташқари, Бюджет кодексининг 148-моддасида белгиланган ваколатларга асосан ҳудудий бюджет маблағлари тақсимловчиларига Когон тумани маҳаллий бюджетидан ажратиладиган маблағларнинг чекланган миқдорларига нисбатан 10 фоиздан кам миқдордаги ўзгартиришлар тегишли ҳокимликлар томонидан ҳамда 10 ва ундан ортиқ фоиз миқдоридаги ўзгартиришлар маҳаллий кенгашлар қарорлари асосида тасдиқланади.

Шу муносабат билан, Ўзбекистон Республикаси Бюджет кодексининг 28, 143 ва 148-моддалари ҳамда Когон тумани иқтисодиёт ва молия бўлимининг 2026 йил 16 февралдаги 02-06-219/20-01-32/26-сонли хатига асосланиб, қарор қиламан:

1. Когон тумани маҳаллий бюджетининг 2025 йил ижроси жараёнида:

маҳаллий бюджетининг солиқ турлари кесимида даромадлар прогноз режасига киритилган ўзгартиришлар 1-иловага мувофиқ;

ҳудудий бюджет маблағлари тақсимловчиларига Когон тумани бюджетидан ажратиладиган маблағларнинг чекланган миқдорлари ҳамда маҳаллий бюджет харажатлари режасига нисбатан 10 фоиздан кам миқдордаги тегишли ўзгартиришлар 2-иловага мувофиқтасдиқлансин.

2. Когон тумани иқтисодиёт ва молия бўлимига:

маҳаллий бюджетлар даромадлари ва харажатлари режасига киритилган ўзгартиришларни даврий ҳисоботларда ва маҳаллий бюджетларнинг қўшимча манбаларини аниқлашда ҳисобга олиш;

Ўзбекистон Республикаси Адлия вазирлигида 2025 йил 7 октябрда 3558-сон билан рўйхатдан ўтказилган йўриқнома талабларига асосан киритилган ўзгартиришлар тўғрисидаги маълумотнома-билдиришномаларни тегишли ҳудудий бюджет маблағларини тақсимловчилари ва бюджет ташкилотларига дастурий мажмуа орқали юборилишини таъминлаш топширилсин.

3. Ушбу қарор Халқ депутатлари Когон тумани Кенгашининг навбатдаги сессияси тасдиғига киритилсин.

4. Мазкур қарор ижросининг назорати Когон тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари — иқтисодиёт ва молия бўлими бошлиғи М. Маликов зиммасига юклатилсин.