Бугунги кунда ушбу қарорнинг амалдаги қонунчилик ҳужжатлари талабларига мувофиқлаштириш учун бюджет параметрларига тегишли ўзгартиришлар киритиш лозим.

Ўзбекистон Республикаси «Маҳаллий давлат ҳокимияти тўғрисида»ги қонунининг 6, 24-моддалари, Бюджет кодексининг 127, 147 ва 148-моддалари, «2025 йил учун Ўзбекистон Республикасининг Давлат бюджети тўғрисида»ги қонунига асосан халқ депутатлари Тупроққалъа тумани Кенгаши қарор қилади:

1. Тупроққалъа тумани бюджетидан ҳудудий бюджет маблағларини тақсимловчиларга ажратиладиган маблағлар бўйича 2025 йилда тасдиқланган харажатлар 73 млрд. 977,0млн. сўм бўлиб, бюджет параметрларига киритилган ўзгаришлардан кейин режа 83 млрд. 18,0 млн. сўмни, яъни тасдиқланган режага нисбатан 9 млрд. 41,0 млн. сўмга кўп харажатларни ташкил қилганлиги маълумот учун қабул қилинсин.

2. Туман иқтисодиёт ва молия бўлими (Б. Атабаев)нинг бюджет параметрларига қўшимча ўзгартириш киритиш юзасидан таклифи маъқуллансин.

3. Халқ депутатлари Тупроққалъа тумани Кенгашининг 2024 йил 27 декабрдаги «Тупроққалъа туманининг 2025 йилги маҳаллий бюджетини тасдиқлаш тўғрисида»ги VII-4-023-12-218-K/24-сонли қарорининг иловаларига қуйидагича ўзгартиришлар киритилсин:

2025 йил учун туман маҳаллий бюджет даромадларнинг режа кўрсаткичлари 1-иловага;

2025 йил учун туман бюджетидан ҳудудий бюджет маблағларини тақсимловчиларга ажратиладиган маблағларнинг умумий чекланган миқдорлари 2-иловага;

2025 йил учун туман маҳаллий бюджетининг даромадлари ва харажатларининг чегаравий ҳажми 3-иловага.

4. Туман иқтисодиёт ва молия бўлими (Б. Атабаев)га даромадлар ва харажатлар режасига тегишли ўзгартиришлар киритилишини белгиланган тартибда расмийлаштириш топширилсин.

5. Мазкур қарор расмий нашрларда эълон қилинсин.

6. Ушбу қарор расман эълон қилинган кундан кучга киради.

7. Ушбу қарорнинг бажарилишини назорат қилиш халқ депутатлари туман Кенгашининг «Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссия»си» раиси И. Қаландаров зиммасига юклатилсин.