Ўзбекистон Республикаси Президентининг 2021 йил 20 октябрдаги «Ўзбекистон Республикаси Давлат солиқ қўмитаси ҳузуридаги Кадастр агентлиги фаолиятини янада такомиллаштириш чора-тадбирлари тўғрисида»ги ПҚ-405-сонли қарори, Ўзбекистон Республикаси Вазирлар Маҳкамасининг 2014 йил 4 мартдаги «Шаҳарлар, шаҳарчалар, қишлоқлар ва овулларнинг маҳаллаларини тузиш, бирлаштириш, бўлиш ва тугатиш, шунингдек уларнинг чегараларини белгилаш ва ўзгартириш, уларга ном бериш ва уларнинг номини ўзгартириш тартиби тўғрисидаги низомни тасдиқлаш ҳақида»ги 48-сонли қарори билан тасдиқланган Низомнинг 21-моддаси ижросини таъминлаш мақсадида ҳамда вилоят ҳокимлиги ҳузуридаги маҳаллаларни тузиш, бирлаштириш, бўлиш ва тугатиш, шунингдек уларнинг чегараларини белгилаш ва ўзгартириш масалалари бўйича Идоралараро доимий комиссиясининг 2025 йил 6 декабрдаги B-01-04/659-сонли баёни ва хулосаси, Давлат кадастрлар палатаси Қашқадарё вилояти бошқармасининг 2025 йил 27 ноябрдаги 01-10/11202-сон ва 01-10/1103-сон хатларини инобатга олиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6 ва 24-моддаларига асосан халқ депутатлари вилоят Кенгаши қарор қилади:

1. Вилоятдаги айрим маҳалла фуқаролар йиғинларининг чегараларини белгилаш юзасидан «Кадастр агентлиги давлат кадастрлари палатаси» Қашқадарё вилояти бошқармаси бошлиғи Ғ. Ҳамраевнинг ҳисоботи маълумот учун қабул қилинсин.

2. Чироқчи, Қамаши, Деҳқонобод, Кўкдала ва Муборак туманларидаги жами 239 та, Китоб туманидаги Чармгар, Бектемир ва Гулистон маҳалла фуқаролар йиғинларининг тавсифи ва харита чегаралари 1-иловага мувофиқ;

халқ депутатлари Қашқадарё вилояти Кенгашининг 2025 йил 20 майдаги VII-11-86-4-0-K/25-сонли қарори ҳамда 2025 йил 5 августдаги VII-14-131-4-0-K/25-сонли қарорларига асосан Давлат кадастрлари палатасининг вилоят бошқармаси томонидан ишлаб чиқилган маҳалла фуқаролар йиғинларининг тавсифи ва харита чегаралари 2-иловага мувофиқ тасдиқлансин.

3. Халқ депутатлари Қашқадарё вилояти Кенгашининг 2024 йил 30 ноябрдаги VII-3-016-4-0-K/24-сонли қарорининг 3-иловасидаги Китоб туманининг Чармгар, Бектемир ва Гулистон маҳалла фуқаролар йиғинларининг тавсифи ва харита чегаралари чиқариб ташлансин.

4. Мазкур қарор бажарилишини назорат қилиш ва ижросини таъминлаш халқ депутатлари вилоят Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссия раиси О. Равшанов ҳамда вилоят ҳокимининг ўринбосари М. Азизов зиммасига юклатилсин.

5. Мазкур қарор қабул қилинган кундан эътиборан кучга киради.

6. Ушбу қарор расмий веб-сайт ва оммавий ахборот воситаларида эълон қилинсин.