Ўзбекистон Республикаси Вазирлар Маҳкамасининг 2017 йил 15 март кунги «Умумий ўрта таълим тўғрисидаги низомни тасдиқлаш ҳақида»ги 140-сонли Қарорининг 39-банди, Ўзбекистон Республикасининг «Таълим тўғрисида»ги Қонунининг 27-моддаси ҳамда туман мактабгача ва мактаб таълими бўлимининг 2025 йил 30 декабрь кунги 01-01-11-1270-сонли хатини инобатга олиб, Ўзбекистон Республикасининг «Маҳаллий давлат ҳокимияти тўғрисида»ги Қонунининг 6-моддасига асосан қарор қиламан:

1. Элликқалъа тумани Мактабгача ва мактаб таълими бўлимининг 2025 йил 30 декабрь кунги 01-01-11-1270-сонли хати қаноатлантирилсин.

2. Элликқалъа туман Мактабгача ва мактаб таълими бўлимига қарашли умумий ўрта таълим мактабларига мактаб ёшидаги болаларни қамраб олиш бўйича ҳудудлар (микроҳудуд) рўйхати иловага мувофиқ тасдиқлансин.

3. Мактабгача ва мактаб таълими бўлими бошлиғи (Ш.Холмуротов)га умумий ўрта таълим мактаблари ҳудудидаги (микроҳудуд) мактаб ёшидаги болаларни таълимга тўлиқ жалб этиш ва сифатли ташкил этишни амалга ошириш вазифаси топширилсин.

4. Тумандаги умумий ўрта таълим мактаблари директорлари ўзлари раҳбарлик қилаётган муассасага бириктирилган ҳудуддаги мактаб ёшидаги болаларни ўз вақтида умумий ўрта таълим мактабларига ўқишга жалб қилиш учун масъул ҳисобланиши белгилаб қўйилсин.

5. Ушбу қарорнинг ижросини назорат қилиш туман ҳокими ўринбосари О.Атаджанов зиммасига юклатилсин.