Ўзбекистон Республикаси Вазирлар Маҳкамасининг 2012 йил 16 октябрдаги Географик объектларнинг номлари тўғрисида»ги Ўзбекистон Республикаси Қонунига мувофиқ географик объектларнинг номлари соҳасидаги ишларни тартибга солиш чора-тадбирлари ҳақида»ги 295-сон қарори, Вазирлар Маҳкамаси Раёсати мажлисининг 2025 йил 24 январдаги 14-сон баёни ижросини таъминлаш мақсадида, Географик объектларни номлаш ва қайта номлаш бўйича туман комиссиясининг 2025 йил 18 августдаги 13-01/196-сонли йиғилиш баёни, Географик объектларни номлаш ва қайта номлаш масалалари бўйича вилоят комиссиясининг 2025 йил 20 августдаги йиғилиш баёни ҳамда 21 августдаги 07-18/7475-сонли хати асосида Республика Кадастр агентлигининг 2025 йил 18 сентябрдаги 05-19-16090-сонли экспертиза хулосаларини кўриб чиқиб, «Маҳаллий давлат ҳокимияти тўғрисида»ги Ўзбекистон Республикаси Қонуни 6-, 24-моддаларига асосан Халқ депутатлари туман Кенгаши қарор қилади:

1. Узун тумани ҳокимининг Маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси И.Назаровнинг Географик объектларни номлаш ва қайта номлаш бўйича тумандаги айрим Географик объектларни номларини тасдиқлаш тўғрисидаги доимий комиссияга берган ҳисоботи маълумот учун қабул қилинсин.

2. Туман комиссиясининг 2025 йил 18 августдаги 13-01/196-сонли йиғилиш баёни, вилоят комиссиясининг 2025 йил 21 августдаги 07-18/7475-сонли мурожаатномаси асосида Республика Кадастр агентлигининг 2025 йил 18 сентябрдаги 05-19-16090-сонли экспертиза хулосалари маълумот учун қабул қилинсин

3. Узун туманидаги айрим маҳалла фуқаролар йиғинларида кўчаларни номлаш юзасидан берилган таклифлар иловага мувофиқ тасдиқлансин

4. Туман ҳокимининг ўринбосари Н. Ходжагелдиев ва Ўзбекистон Маҳалла уюшмаси Узун туман бўлими бошлиғи (Т. Кўчаров):

янги берилган ном ва қайта номланган кўчаларини тўлиқ шаклланиши ва фаолияти учун зарур шарт-шароитлар яратилсин.

ҳудудларга кўча номлари билан номланган маҳалла фуқаролар йиғинларида аҳоли ўртасида тушунтириш ишлари олиб борилсин.

5. Ўзбекистон Маҳалла уюшмаси Узун туман бўлими бошлиғи (Т. Кўчаров), Давлат кадастр палатасининг Сурхондарё вилояти Узун тумани филиали (лавозимига кўра), Узун туман ИИБ (Ў. Мустафоқулов), Узун тумани солиқ инспекцияси (А. Хушвақтов) мазкур қарорга асосан ҳужжатларга ўрнатилган тартибда тегишли ўзгартиришлар киритилсин.

6. «Боботоғ тонги» газетаси таҳририяти (И. Бобоколонов)га мазкур қарорни расмий эълон қилиш тавсия этилсин.

7. Ушбу қарор қабул қилиниши муносабати билан халқ депутатлари Узун тумани Кенгашининг 2024 йил 17 август 2024 йил 17 августдаги «Узун тумандаги мавжуд такрорий номдаги кўча номларини қайта номлаш ва тасдиқлаш тўғрисида»ги VI-72-105-8-118-K/24-сонли қарори уз кучини йўқотган деб топилсин.

8. Мазкур сессия қарори ижросини назорат қилишни Халқ депутатлари туман Кенгашининг Ижтимоий соҳа, ёшлар сиёсати, маданият ва спорт масалалари бўйича доимий комиссияси зиммасига юклатилсин.

9. Мазкур қарор қабул қилиниб, расман эълон қилинган кундан эътиборан кучга киради.