Ўзбекистон Республикаси Бюджет кодексига асосан «Маҳаллий давлат ҳокимияти тўғрисида»ги Ўзбекистон Республикаси Қонунининг 6 ва 25-моддаларига асосан, халқ депутатлари Ургут туман Кенгашининг навбатдаги етинчи чақириқ йигирманчи сессияси. қарор қилади:

1. Туман Иқтисодиёт ва молия бўлимининг 2025 йил 10 декабрдаги1065-сонли Ургут туман маҳаллий бюджетининг харажатлар қисмига ўзгартириш киритиш тўғрисида»ги таклифи маъқуллансин.

2. 2025 йил бюджет таснифининг айрим бўлим, кичик бўлим, боблари ҳамда чораклар бўйича харажатлар миқдорининг умумий мутаносиблигини сақлаган ҳолда ҳудудий бюджет маблағлари тақсимловчиларига ажратилган маблағларни камайтириб, бюджет таснифининг айрим бўлим, кичик бўлим, боблари ҳамда чораклар бўйича харажатлар миқдорининг умумий мутаносиблигини сақлаган ҳолда ҳудудий бюджет маблағлари тақсимловчиларига ажратилган маблағларни кўпайтириш йўли билан 1- иловага мувофиқ ўзгартиришлар киритилсин.

3. Туман Иқтисодиёт ва молия бўлими (Б.Саломов)га бюджет таснифининг айрим бўлим, кичик бўлим, боблари ва ҳар бир харажат турлари бўйича тегишли ўзгартиришлар киритилишини белгиланган тартибда расмийлаштириш ҳамда вилоят Иқтисодиёт ва молия Бош бошқармаси билан келишилган ҳолда ҳужжатларни туман маҳаллий бюджетидан молиялаштириладиган ҳудудий бюджет маблағларини тақсимловчиларга ижро учун етказиш вазифаси топширилсин.

4. Туман маҳаллий бюджетидан маблағ олувчи ҳудудий бюджет маблағларини тақсимловчиларнинг раҳбарларига харажатлар сметасига бюджет таснифининг айрим бўлим, кичик бўлим, боблари ва ҳар бир харажат турлари бўйича тегишли ўзгартиришлар киритилиши ҳамда биринчи навбатдаги харажатларини тўлиқ молиялаштирилиши ва тўланиши устидан қаттиқ назорат ўрнатиш вазифаси юклатилсин.

5. Ушбу қарорнинг ижросини назорат қилиш Халқ депутатлари Ургут туман Кенгашининг Маҳаллий бюджетни, иқтисодий ислоҳатларни амалга ошириш инвестициялар ва тадбиркорликни ривожлантириш масалалари бўйича доимий комиссияси (О.Азимуродов), туман ҳокимининг биринчи ўринбосари (У.Камолов) зиммасига юклатилсин.

6.Ушбу қарор қабул қилинган кундан эътиборан кучга киради.