Ўзбекистон Республикасининг 2025 йил 25 декабрдаги «2026 йил учун Ўзбекистон Республикасининг Давлат бюджети тўғрисида»ги ЎРҚ-1105-сонли Қонуни, Ўзбекистон Республикасининг «Солиқ ва бюджет сиёсатининг 2026 йилга мўлжалланган асосий йўналишлари қабул қилинганлиги муносабати билан Ўзбекистон Республикаси Солиқ кодексининг 445 ва 452-моддаларига асосан, «Маҳаллий давлат ҳокимияти тўғрисида»ги Ўзбекистон Республикаси Қонунининг 6 ва 24-моддаларига мувофиқ, халқ депутатлари Пахтачи тумани Кенгашининг еттинчи чақириқ ўн тўққизинчи сессияси қарор қилади:

1. Ўзбекистон Республикасининг «2026 йил учун Ўзбекистон Республикасининг Давлат бюджети тўғрисида»ги Қонуни, Ўзбекистон Республикаси Солиқ кодексининг 445, 452-моддалари маълумот учун қабул қилинсин.

2. Туман Солиқ инспекцияси ҳудудларнинг иқтисодий ривожланганлик даражаси ҳамда туман ҳокимлигининг 2026 йил учун белгиланган маҳаллий бюджет прогнозидан келиб чиқиб, туман бўйича 2026 йилда сув ресурсларидан фойдаланганлик учун солиқ ва ер қаъридан фойдаланганлик учун солиқ ставкаларининг мутлақ миқдорларига нисбатан камайтирилувчи ва оширилувчи коэффициентларни қўллаш бўйича таклифлари инобатга олинсин.

2026 йил учун Пахтачи тумани ҳудудида сув солиғи ставкаси 1-иловага ҳамда ер қаъридан фойдаланилганлик учун солиқ ставкаси 2-иловага мувофиқ тасдиқлансин.

3. Туман ҳокимининг биринчи ўринбосари (У.Арнақулов), туман Иқтисодиёт ва молия бўлими (Ж.Эшонқулов), туман Солиқ инспекцияси (А.Ғиясов) билан биргаликда мазкур қарор ўз вақтида ва самарали бажарилишини таъминлаш чораларини кўрсин.

4. Мазкур қарор тегишли таҳририятлар ва оммавий ахборот воситаларида ёритилиши тавсия этилсин ҳамда туман ҳокимлигининг расмий веб-сайтига жойлаштирилсин.

5. Мазкур қарор расмий эълон қилинган кундан бошлаб кучга киради.

6. Мазкур қарор бажарилишини назорат қилиш халқ депутатлари Пахтачи тумани Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси (Ф.Кенжаев) ҳамда туман ҳокимининг биринчи ўринбосари (У.Арнақулов) зиммасига юклатилсин.