Ўзбекистон Республикасининг «2026 йил учун Ўзбекистон Республикасининг Давлат бюджети тўғрисида»ги ЎРҚ-1105-сонли Қонуни қабул қилинганлиги муносабати билан Ўзбекистон Республикаси Солиқ кодексининг 445- ва 452-моддаларига мувофиқ, туман солиқ инспекциясининг 2025 йил 5 декабрдаги П-09845-сонли, туман ҳокимининг биринчи ўринбосари Ш.Алиевнинг 2025 йил 9 декабрдаги 8392-сонли хатларига мувофиқ, халқ депутатлари Нарпай тумани Кенгашининг еттинчи чақириқ, ўн саккизинчи сессияси қарор қилади:

1. Ўзбекистон Республикасининг «2026 йил учун Ўзбекистон Республикасининг Давлат бюджети тўғрисида»ги ЎРҚ-1105-сонли Қонуни, Ўзбекистон Республикаси Солиқ кодексининг 445- ва 452-моддалари маълумот учун қабул қилинсин.

2. Туман Солиқ инспекцияси ҳудудларнинг иқтисодий ривожланганлик даражаси ҳамда туман ҳокимлигининг 2026 йил учун белгиланган маҳаллий бюджет прогнозидан келиб чиқиб, туман бўйича 2026 йилда сув ресурсларидан фойдаланганлик учун солиқ ва ер қаъридан фойдаланганлик учун солиқ ставкаларининг мутлақ миқдорларига нисбатан камайтирилувчи ва оширилувчи коэффитсиэнтларни қўллаш бўйича таклифлари инобатга олинсин.

3. 2026 йил учун сув ресурсларидан фойдаланганлик учун солиқ ставкаларига 2026 йил учун қўлланиладиган коэффитсиэнтлар 1-иловага ҳамда норуда қурилиш материаллари учун (цементдан ташқари) белгиланган қатъий ставкаларига 2026 йил учун қўлланиладиган коэффитсиэнтлар 2-иловага мувофиқ тасдиқлансин.

4. Туман ҳокимининг биринчи ўринбосари (Ш.Алиев), туман Иқтисодиёт ва молия бўлими бошлиғи ўринбосари (У.Рузиев), туман солиқ инспекцияси (З.Турдиев) билан биргаликда мазкур қарор ўз вақтида ва самарали бажарилишини таъминлаш чораларини кўрсин.

5. Туман ҳокимлиги Ахборот хизмати раҳбари (С.Жабборов), «Навқирон Нарпай» газетаси муҳаррири (Т.Тошмуродов)лар мазкур қарорни тегишли таҳририятлар ва оммавий ахборот воситаларида ёритилиши тавсия этилсин ҳамда туман ҳокимлигининг расмий веб-сайтига жойлаштирсин.

6. Ушбу қарорни бажарилишини назорат қилиш Нарпай тумани Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссия (У.Намазов)га, ижросини таъминлаш туман ҳокимининг биринчи ўринбосари (Ш.Алиев) зиммасига юклатилсин.

7. Мазкур қарор расмий эълон қилинган кундан бошлаб кучга киради.