Ўзбекистон Республикасининг «2026 йил учун Ўзбекистон Республикасининг Давлат бюджети тўғрисида»ги ЎРҚ-1105-сонли Қонунига, Ўзбекистон Республикаси Бюджет кодексининг 99-моддаси ҳамда туман Солиқ инспекциясининг 2025 йил 2 декабридаги 20-184058-сонли хати ҳамда Оқдарё туманида 2026 йилда сув ресурсларидан фойдаланганлик учун солиқ ставкасига ва норуда қурилиш материаллари учун белгиланган қатъий ставкаларига қўлланиладиган камайтирувчи ва оширувчи коэффициентлар миқдорини белгилаш тўғрисида туман Солиқ инспекциясининг 2025 йил 12 декабрдаги 82-сонли билдириш хати ва таклифларига мувофиқ «Маҳаллий давлат ҳокимияти тўғрисида»ги Ўзбекистон Республикаси Қонунининг 6 ва 24-моддаларига асосан халқ депутатлари Оқдарё тумани Кенгашининг еттинчи чақириқ, йигирма учинчи сессияси қарор қилади:

1. Ўзбекистон Республикасининг «2026 йил учун Ўзбекистон Республикасининг Давлат бюджети тўғрисида»ги ЎРҚ-1105-сонли Қонунига, Ўзбекистон Республикаси Бюджет кодексининг 99-моддаси ҳамда туман Солиқ инспекциясининг 2025 йил 2 декабридаги 20-184058-сонли хати ҳамда Оқдарё туманида 2026 йилда сув ресурсларидан фойдаланганлик учун солиқ ставкасига ва норуда қурилиш материаллари учун белгиланган қатъий ставкаларига қўлланиладиган камайтирувчи ва оширувчи коэффициентлар миқдорини белгилаш тўғрисида туман Солиқ инспекциясининг 2025 йил 12 декабрдаги 82-сонли билдириш хати раҳбарлик ва ижро учун қабул қилинсин.

2. Туман Солиқ инспекцияси ҳудудларнинг иқтисодий ривожланганлик даражаси ҳамда туман ҳокимлигининг 2026 йил учун белгиланган маҳаллий бюджет прогнозидан келиб чиқиб, туман бўйича 2026 йилда сув ресурсларидан фойдаланганлик учун солиқ, ер қаъридан фойдаланганлик учун солиқ ва қишлоқ хўжалигига мўлжалланмаган ерлар бўйича ер солиғи ставкаларининг Мутлақ миқдорларига нисбатан камайтирилувчи ва оширилувчи коэффитсиэнтларни қўллаш бўйича таклифлари инобатга олинсин.

3. Сув ресурсларидан фойдаланганлик учун солиқ ставкаларига 2026 йил учун қўлланиладиган коэффитсиэнтлар 1-иловага;

ҳамда Норуда қурилиш материаллари учун (цементдан ташқари) белгиланган қатъий ставкаларига 2026 йил учун қўлланиладиган коэффитсиэнтлар 2-иловага мувофиқ тасдиқлансин.

4. Туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари-иқтисодиёт ва молия бўлими бошлиғи (Э.Ашуров), туман Иқтисодиёт ва молия бўлими бошлиғи ўринбосари (Н.Исмоилов), туман Солиқ инспекцияси (М.Рузимаматов) билан биргаликда мазкур қарор ўз вақтида ва самарали бажарилишини таъминлаш чораларини кўрсин.

5. Мазкур қарор тегишли таҳририятлар ва оммавий ахборот воситаларида ёритилиши тавсия этилсин ҳамда туман ҳокимлигининг расмий веб сайтига жойлаштирилсин.

6. Мазкур қарор бажарилишини назорат қилиш халқ депутатлари Оқдарё тумани Кенгашининг маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси (Р.Раббанақулов) ҳамда туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари-иқтисодиёт ва молия бўлими бошлиғи (Э.Ашуров) зиммасига юклатилсин.