Хива шаҳрида юридик ва жисмоний шахсларнинг қишлоқ хўжалигига мўлжалланмаган ерларига ер солиғи, сув ресурсларидан фойдаланганлик учун солиқ ҳамда норуда қурилиш материаллари учун (цементдан ташқари) солиқ ставкаларини 2026 йил учун белгилаш масаласи юзасидан шаҳар иқтисодиёт ва молия бўлими бошлиғининг 1-ўринбосари Д.Ишчановнинг ахбороти тингланиб, Ўзбекистон Республикаси Солиқ кодексининг 429 ва 437-моддалари, Ўзбекистон Республикаси Солиқ қўмитасининг 2025 йил 12 ноябрдаги 24-127593-сонли хати, вилоят солиқ бошқармаси ҳамда вилоят иқтисодиёт ва молия бош бошқармасининг 2025 йил 3 декабрдаги қўшма хатлари, шунингдек, Ўзбекистон Республикасининг «Маҳаллий давлат ҳокимияти тўғрисида»ги Қонунининг 6 ва 24-моддаларига асосан халқ депутатлари Хива шаҳар Кенгаши қарор қилади:

1. Ўзбекистон Республикаси Солиқ қўмитасининг 2025 йил 12 ноябрдаги 24-127593-сонли хати, вилоят солиқ бошқармаси ва вилоят иқтисодиёт ва молия бош бошқармасининг 2025 йил 3 декабрдаги қўшма хатлари маълумот учун қабул қилинсин.

2. Маҳаллалар иқтисодий салоҳияти ва ривожланиш даражасидан келиб чиқиб, 2026 йил 1 январдан:

юридик ва жисмоний шахсларнинг қишлоқ хўжалигига мўлжалланмаган ерларига белгиланган ер солиғи базавий ставкаларига қўлланиладиган коэффициентлар миқдорлари 1 ва 2-иловаларга мувофиқ;

сув ресурсларидан фойдаланганлик учун солиқ ставкасига қўлланиладиган коэффициентлар миқдори 3-иловага мувофиқ;

норуда қурилиш материаллари учун (цементдан ташқари) белгиланган қатъий ставкаларига қўлланиладиган коэффициентлар миқдори 4-иловага мувофиқ тасдиқлансин.

3. Халқ депутатлари Хива шаҳар Кенгашининг 2024 йил 27 декабрдаги VII-4-017-12-217-K/24-сонли қарорининг 6 ва 7-иловалари 2026 йил 1 январдан ўз кучини йўқотган деб ҳисоблансин.

4. Ушбу қарорни «Хива тонги» газетаси (Ш. Машарипов) ҳамда шаҳар ҳокимлиги ахборот хизмати (О. Икрамов) томонидан интернет нашрлари ва ижтимоий тармоқларда кенг ёритилиши таъминлансин.

5. Мазкур қарорнинг ижросини назорат қилиш халқ депутатлари шаҳар Кенгашининг маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси раиси (Р. Эрниязов) зиммасига юклансин.