Ўзбекистон Республикаси «Маҳаллий давлат ҳокимияти тўғрисида»ги Қонунининг 16², 24-моддалари, Ўзбекистон Республикаси Солиқ кодексининг 383, 412, 422, 429 ва 437-моддаларига асосан, Ўзбекистон Республикаси Президентининг 2020 йил 3 декабрдаги «Ресурс солиқлари ва мол-мулк солиғини янада такомиллаштириш тўғрисида» ПФ-6121-сонли Фармони, Ўзбекистон Республикаси Солиқ қўмитасининг 2025 йил 12 ноябрдаги 24-127593-сонли хати, 2026 йил учун Ўзбекистон Республикасининг Давлат бюджети тўғрисида Ўзбекистон Республикасининг Қонуни ижросини таъминлаш, Солиқ қўмитасининг 2025 йил 12 ноябрдаги 24-127593-сонли хати, Навоий шаҳар солиқ инспекциясининг 2025 йил 9 декабрдаги 20/26-59187-сонли хати Навоий шаҳар бўйича 2026 йилда юридик ва жисмоний шахслар учун айрим солиқларни ҳисоблаб чиқариш мақсадида қўлланиладиган коэффициентлар, мутлақ миқдор суммаларини тасдиқлаш ҳамда билдирилган фикр ва мулоҳазаларини инобатга олиб, халқ депутатлари Навоий шаҳар Кенгаши қарор қилади:

1. 2026 йилда Навоий шаҳар бўйича юридик шахсларнинг қишлоқ хўжалигида мўлжалланмаган ерларини базавий солиқ ставкаси мутлақ миқдори 1 гектар учун 55,1 млн. сўм, жисмоний шахслар ерларининг 1 кв.м учун базавий солиқ ставкаси мутлақ миқдори 377,0 сўм белгиланганлиги маълумот учун қабул қилинсин.

2. Маҳаллий солиқлар ва бошқа мажбурий тўловларнинг ставкаларини қонунчиликда белгиланган миқдорлар доирасида:

шаҳарлар ва туманларнинг иқтисодий салоҳияти ва ривожланишига қараб, қишлоқ хўжалиги учун мўлжалланмаган ерлар учун юридик ва жисмоний шахслар бўйича 2026 йилда Навоий шаҳар учун мутлақ миқдорда белгиланган ер солиғининг базавий солиқ ставкаларига қўлланиладиган коэффициентлар миқдорлари 1-иловага мувофиқ;

2026 йил учун сув ресурсларидан фойдаланганлик учун солиқ бўйича Солиқ кодексининг 445-моддаси билан ўрнатилган солиқ ставкаларига нисбатан қўлланиладиган коэффициентлар миқдори 2-иловага мувофиқ;

2026 йил учун ер қаъридан фойдаланганлик учун солиқ бўйича Солиқ кодексининг 452-моддаси билан ўрнатилган солиқ ставкаларига нисбатан қўлланиладиган коэффициентлар миқдори 3-иловага мувофиқ тасдиқлансин.

3. Халқ депутатлари Навоий шаҳар Кенгаши маҳаллий бюджет прогнозларини инобатга олиб, 1 ва 2-иловага асосан қўлланиладиган коэффициентларга нисбатан тегишли ҳудудда жойлашган даҳа, мавзе, маҳалла, кўча кесимида 0,7 дан 3,0 миқдорда камайтирувчи ва оширувчи коэффициентларни белгилаш ҳуқуқига эгалиги кўрсатиб ўтилсин.

4. Халқ депутатлари шаҳар Кенгаши тегишли ҳудудда жойлашган даҳа, мавзе, маҳалла, кўча кесимида юридик ва жисмоний шахслар учун 2026 йилда белгиланган ер солиқ ставкаларини тақдим этилишини таъминласин.

5. Шаҳар ҳокимлиги ушбу қарор билан маъқулланган Навоий шаҳар бўйича юридик ва жисмоний шахслар учун айрим солиқларни ҳисоблаб чиқариш мақсадида қўлланиладиган коэффициентлар, мутлақ миқдор суммалари тўғрисидаги маълумотларни «Дўстлик байроғи» ва «Знамя дружбы»газеталари ҳамда шаҳар ҳокимлигининг расмий веб сайтида эълон қилсин.

6. Халқ депутатлари Навоий шаҳар Кенгашининг 2025 йил 17 январдаги Навоий шаҳар бўйича 2025 йил учун юридик ва жисмоний шахсларнинг ер солиғи ставкаларини ҳамда мол-мулк солиғини ҳисоблашда қўлланиладиган энг кам қийматни тасдиқлаш тўғрисида»ги VII-3-14-5-79-К/25-сонли қарори ўз кучини йўқотган деб ҳисоблансин.

7. Мазкур қарорнинг бажарилишини назорат қилиш шаҳар ҳокимининг биринчи ўринбосари (Ў. Ҳақбердиев) ва халқ депутатлари шаҳар Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси (А. Мирзаев) зиммаларига юклансин.