«Маҳаллий давлат ҳокимияти тўғрисида»ги Ўзбекистон Республикаси қонунининг 6, 16², 24-моддалари, Ўзбекистон Республикаси Солиқ Кодексининг тегишли моддаларига ҳамда туман Солиқ инспекциясининг «Қишлоқ хўжалигига мўлжалланмаган ерлар учун жисмоний ва юридик шахслар бўйича мутлақ миқдорда белгиланган базавий солиқ ставкасига киритилаётган камайтирувчи ва оширувчи коэффициентлар» лойиҳаси бўйича киритган таклифи муҳокама этиб, халқ депутатлари туман Кенгаши, қарор қилади:

1. Ўзбекистон Республикаси Президентининг 2020 йил 3 декабрдаги «Ресурс солиқлари ва мол-мулк солиғини янада такомиллаштириш тўғрисида»ги ПФ-6121-сонли фармони, Ўзбекистон Республикаси Солиқ Кодексининг тегишли моддалари, туман Солиқ инспекциясининг 2025 йил 13 декабрдаги 16-18078-сонли хати ҳамда Солиқ инспекцияси бошлиғи ўринбосари У. Пирматовнинг ахбороти маълумот ва ижро учун қабул қилинсин.

2. 2026 йилда Қизилтепа тумани ҳудудида қишлоқ хўжалигига мўлжалланмаган ерлар учун юридик шахслар бўйича қишлоқ хўжалигига мўлжалланмаган ерлар 1 гектар учун белгиланган базавий солиқ ставкаларига нисбатан киритилаётган камайтирувчи ва оширувчи коэффициентлар миқдорлари 1-иловага мувофиқ;

Қизилтепа туман ҳудудида жисмоний шахслар бўйича (деҳқон хўжалигини юритиш учун берилган қишлоқ хўжалигига мўлжалланган ерлардан ташқари) мутлоқ миқдорда 1 кв.м учун белгиланган базавий солиқ ставкаларига нисбатан киритилаётган камайтирувчи ва оширувчи коэффициентлар миқдорлари 2-иловага мувофиқ тасдиқлансин.

3. Туман ҳокимининг биринчи ўринбосари (Н. Ҳайитов), туман солиқ инспекцияси (Д. Муродов) ҳамда туман Иқтисодиёт ва молия бўлими бошлиғи ўринбосари (Ж. Ҳожиев)ларга:

ҳудудларнинг иқтисодий ривожланганлик даражаси ҳамда туманнинг келгуси йил учун белгиланган маҳаллий бюджет прогнозидан келиб чиқиб, туман бўйича 2026 йилда юридик ва жисмоний шахсларнинг базавий ер солиғи ставкаларининг мутлоқ миқдорларига ҳамда юридик шахсларнинг мол-мулки ва жисмоний шахсларга тегишли бўлган, яшашга мўлжалланмаган кўчмас мулк объектлари учун мол-мулк солиғини ҳисоблашда белгиланган энг кам қийматга нисбаттан камайтирилувчи коэффициентларни қўллаш бўйича таклифлари инобатга олинсин.

4. Халқ депутатлари туман Кенгашига 2026 йилнинг 20 декабрига қадар кейинги солиқ даври учун қишлоқ хўжалигига мўлжалланмаган ер участкалари учун солиқ ставкаларини белгиланган тартибда солиқ органларига киритсин.

5. Туман ҳокимлиги Ахборот хизмати раҳбари (А. Умедов) ҳамда «Янги Қизилтепа» газетаси таҳририяти (Ш. Шомуродов)га:

туман бўйича 2026 йил учун юридик ва жисмоний шахсларнинг ер солиғи ставкаларини ҳамда мол-мулк солиғини ҳисоблашда қўлланиладиган энг кам қиймат бўйича маълумотларни «Янги Қизилтепа» газетасида ҳамда туман ҳокимлигининг расмий веб сайтида эълон қилсин.

6. Халқ депутатлари туман Кенгашининг 2025 йил 6 январдаги «Қизилтепа тумани ҳудудида 2025 йилда қишлоқ хўжалигига мўлжалланмаган ерлар учун юридик ва жисмоний шахслар бўйича мутлақ миқдорда белгиланган базавий солиқ ставкасига киритилаётган камайтирувчи ва оширувчи коэффициентларни тасдиқлаш тўғрисида»ги VII-3-8-5-72-К/25-сонли қарори ҳамда халқ депутатлари туман Кенгашининг 2025 йил 26 майдаги «Халқ депутатлари Қизилтепа тумани Кенгашининг 2025 йил 6 январдаги «Қизилтепа тумани ҳудудида 2025 йилда қишлоқ хўжалигига мўлжалланмаган ерлар учун юридик ва жисмоний шахслар бўйича мутлақ миқдорда белгиланган базавий солиқ ставкасига киритилаётган камайтирувчи ва оширувчи коэффициентларни тасдиқлаш тўғрисида»ги VII-3-8-5-72-К/25-сонли қарорига қўшимча ва ўзгартириш киритиш тўғрисида»ги VII-7-62-5-72-К/25-сонли қарорлари ўз кучини йўқотган деб ҳисоблансин.

8. Мазкур қарор бажарилишини назорат қилиш туман ҳокимининг биринчи ўринбосари (Н. Ҳайитов) ҳамда халқ депутатлари туман Кенгашининг барча доимий комиссиялари зиммасига юклансин.