Ўзбекистон Республикаси Президентининг 2023 йил 21 декабрь «Ўзбекистон маҳаллалари уюшмалари фаолиятини йўлга қўйиш ва маҳаллаларда бошқарув тизимини такомиллаштиришга оид қўшимча чора-тадбирлар тўғрисида»ги 402-сонли қарорини ижросини таъминлаш ҳамда Ўзбекистон Республикаси бюджет кодексининг 127-моддаси, Ўзбекистон Республикаси «Маҳаллий давлат ҳокимияти тўғрисида»ги Қонунининг 6 ва 24-моддаларига асосан, халқ депутатлари Жомбой тумани Кенгашининг йигирма биринчи сессияси қарор қилади:

1. Ўзбекистон Республикаси Президентининг 2023 йил 21 декабрь «Ўзбекистон маҳаллалари уюшмалари фаолиятини йўлга қўйиш ва маҳаллаларда бошқарув тизимини такомиллаштиришга оид қўшимча чора-тадбирлар тўғрисида»ги 402-сонли қарорига асосан тумандаги жисмоний шахслардан олинадиган мол-мулк ва ер солиғи бўйича ундирилган маблағларнинг (нотурар жойлар бўйича ундириладиган мол-мулк ва ер солиғи бундан мустасно) 10 фоизини маҳалла жамғармасига ўтказишдан юзага келган фарқни қоплаш учун 1 518 097,0 (бир миллиярд беш юз ўн саккиз миллион тўқсон етти минг) сўм маблағ зарурлиги маълумот учун қабул қилинсин.

2. Ўзбекистон маҳаллалар уюшмаси Жомбой тумани бўлими тасарруфидаги маҳаллаларнинг «Маҳалла жамғармаси»га жисмоний шахслардан олинадиган мол-мулк ва ер солиғи бўйича ундирилган маблағларнинг (нотурар жойлар бўйича ундириладиган мол-мулк ва ер солиғи бундан мустасно) 10 фоизини ўтказишдан юзага келган фарқни қоплаш учун Самарқанд вилояти иқтисодиёт ва молия бош бошқармаси билан келишилган ҳолда, халқ депутатлари Жомбой тумани Кенгашининг 2024 йил 27 декабрдаги VII-5-031-7-94-К/24-сонли қарорининг 1-иловасидаги 8-банди ҳамда 2-иловасидаги 9-бандлари туман маҳаллий бюджети ҳисобидан Жомбой тумани маҳаллий бюджетининг 2025 йил 4-чорак даромадлари ва харажатларини 1 518 097,0 (бир миллиярд беш юз ўн саккиз миллион тўқсон етти минг) сўм иловага мувофиқ оширилсин.

3. Жомбой тумани иқтисодиёт ва молия бўлими бошлиғининг биринчи ўринбосари (Д.Саматов) Жомбой тумани маҳаллий бюджетининг 2025 йил 4-чорак даромадлари ва харажатлари режаларига тегишли ўзгартириш киритсин.

4. Мазкур қарор бажарилишини назорат қилиш халқ депутатлари Жомбой тумани Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар бўйича доимий комиссияси раиси (А.Тошпулатов) зиммасига юклатилсин.

5. Ушбу қарор қабул қилинган кундан кучга киради.