Ўзбекистон Республикаси Президентининг 2023 йил 21 декабрдаги «Ўзбекистон маҳаллалари уюшмалари фаолиятини йўлга қўйиш ва маҳаллаларда бошқарув тизимини такомиллаштиришга оид қўшимча чора-тадбирлар тўғрисида»ги ПҚ-402-сон қарори ижросини таъминлаш ҳамда Ўзбекистон Республикасининг Бюджет кодексининг 127-моддаси ва «Маҳаллий давлат ҳокимияти тўғрисида»ги Ўзбекистон Республикаси Қонунининг 6 ва 24-моддаларига асосан халқ депутатлари Нуробод тумани Кенгаши еттинчи чақириқ, ўн олтинчи сессияси қарор қилади:

1. Ўзбекистон Республикаси Президентининг 2023 йил 21 декабрдаги «Ўзбекистон маҳаллалари уюшмалари фаолиятини йўлга қўйиш ва маҳаллаларда бошқарув тизимини такомиллаштиришга оид қўшимча чора-тадбирлар тўғрисида»ги ПҚ-402-сон қарорига асосан тумандаги жисмоний шахслардан олинадиган мол-мулк ва ер солиғи бўйича ундирилган маблағларнинг (нотурар жойлар бўйича ундириладиган мол-мулк ва ер солиғи бундан мустасно) 10 фоизини маҳалла жамғармасига ўтказишдан юзага келган фарқни қоплаш учун 835 751,0 минг (саккиз юз уттиз беш миллион етти юз эллик бир минг) сўм маблағ зарурлиги маълумот учун қабул қилинсин.

2. Ўзбекистон маҳаллалар уюшмаси Нуробод тумани бўлими тасарруфидаги маҳаллаларнинг «Маҳалла жамғармаси»га жисмоний шахслардан олинадиган мол-мулк ва ер солиғи бўйича ундирилган маблағларнинг (нотурар жойлар бўйича ундириладиган мол-мулк ва ер солиғи бундан мустасно) 10 фоизини ўтказишдан юзага келган фарқни қоплаш учун Самарқанд вилояти иқтисодиёт ва молия бош бошқармаси билан келишилган ҳолда, халқ депутатлари Нуробод тумани Кенгашининг 2024 йил 27 декабрдаги VII-3-020-7-99-К/24-сон қарори 1-иловасидаги 8-банди ҳамда 2-иловасидаги 9-бандлари туман маҳаллий бюджети ҳисобидан Нуробод тумани маҳаллий бюджетининг 2025 йил IV чорак даромадлари ва харажатларини 835 751,0 минг (саккиз юз уттиз беш миллион етти юз эллик бир минг) сўм иловага мувофиқ оширилсин.

3. Туман иқтисодиёт ва молия бўлими бошлиғининг биринчи ўринбосари (Ғ.Мусурманов) Нуробод тумани маҳаллий бюджетининг 2025 йил IV чорак даромадлари ва харажатлари режаларига тегишли ўзгартириш киритсин.

4. Мазкур қарор бажарилишини назорат қилиш халқ депутатлари туман Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси (С.Суяров) ва туман ҳокимининг биринчи ўринбосари (Р.Ибрагимов) зиммасига юклатилсин.