Ўзбекистон Республикаси Президентининг 2023 йил 21 декабрдаги «Ўзбекистон маҳаллалари уюшмалари фаолиятини йўлга қўйиш ва маҳаллаларда бошқарув тизимини такомиллаштиришга оид қўшимча чора-тадбирлар тўғрисида»ги ПҚ-402-сон қарори ижросини таъминлаш мақсадида, Ўзбекистон Республикаси «Бюджет кодекси»нинг 127-моддасига асосан, Халқ депутатлари Пайариқ тумани Кенгашининг еттинчи чақириқ ўн тўққизинчи сессияси қарор қилади:

1. Ўзбекистон Республикаси Президентининг 2023 йил 21 декабрдаги «Ўзбекистон маҳаллалари уюшмалари фаолиятини йўлга қўйиш ва маҳаллаларда бошқарув тизимини такомиллаштиришга оид қўшимча чора-тадбирлар тўғрисида»ги ПҚ-402-сонли қарорига асосан тумандаги жисмоний шахслардан олинадиган мол-мулк ва ер солиғи бўйича ундирилган маблағларнинг (нотурар жойлар бўйича ундириладиган мол-мулк ва ер солиғи бундан мустасно) 10 фоизини маҳалла жамғармасига ўтказишдан юзага келган фарқни қоплаш учун 2 187 536,0 минг (Икки миллиард бир юз саксон етти миллион беш юз ўттиз олти минг ) сўм маблағ зарурлиги маълумот учун қабул қилинсин.

2.Ўзбекистон маҳаллалар уюшмаси Пайариқ тумани бўлими тасарруфидаги маҳаллаларнинг «Маҳалла жамғармаси»га жисмоний шахслардан олинадиган мол-мулк ва ер солиғи бўйича ундирилган маблағларнинг (нотурар жойлар бўйича ундириладиган мол-мулк ва ер солиғи бундан мустасно) 10 фоизини ўтказишдан юзага келган фарқни қоплаш учун Самарқанд вилояти иқтисодиёт ва молия бош бошқармаси билан келишилган ҳолда, Халқ депутатлари Пайариқ тумани Кенгашининг 2024 йил 27 декабрдаги VII-2-019-7-100-К/24-сонли қарори 1-иловасидаги 7-банди ҳамда 2-иловасидаги 9-бандидаги «Маҳалла бюджети жамғармаси маблағлари» позисияси Пайариқ туман маҳаллий бюджетининг 2025 йил 4-чорак даромадлари ва харажатларини 2 187 536,0 минг (Икки миллиард бир юз саксон етти миллион беш юз ўттиз олти минг) сўм 1-иловага мувофиқ оширилсин.

3. Туман иқтисодиёт ва молия бўлими бошлиғи ўринбосари (А.Умиров) Пайариқ тумани маҳаллий бюджетининг 2025 йил 4-чорак даромадлари ва харажатлари режаларига тегишли ўзгартириш киритсин.

4. Мазкур қарор бажарилишини назорат қилиш Халқ депутатлари туман Кенгашининг маҳаллий бюджет, тадбиркорликни ривожлантириш ва иқтисодий ислоҳатлар бўйича доимий комиссияси (А.Махамматов) ва ижросини таъминлаш туман ҳокимининг биринчи ўринбосари (Ш.Эшонқулов) зиммасига юклатилсин.