Ўзбекистон Республикаси «Маҳаллий давлат ҳокимияти тўғрисида»ги Қонунининг 6, 24-моддалари, Бюджет кодексининг 27, 99-моддалари, «2026 йил учун Ўзбекистон Республикасининг Давлат бюджети тўғрисида»ги 2025 йил 25 декабрдаги ЎРҚ-1105-сон Қонунига ва халқ депутатлари Навоий вилоят Кенгашининг 2025 йил 29 декабрдаги VII-22-165-5-0-К/25-сонли қарорига мувофиқ ҳамда Иқтисодиёт ва молия бош бошқармасининг 2025 йил 29 декабрдаги 01-12/20-01-38/3537-сонли хатини инобатга олиб, халқ депутатлари Навоий шаҳар қарор қилади:

1. Ўзбекистон Республикасининг «2026 йил учун Ўзбекистон Республикасининг Давлат бюджети тўғрисида»ги Қонуни ҳамда халқ депутатлари Навоий вилоят Кенгашининг 2025 йил декабрь ойидаги қарори (кейинги ўринларда қарор деб юритилади) раҳбарлик ва ижро учун қабул қилинсин.

2. Қарорга мувофиқ, Навоий шаҳар бюджетининг 2026 йилги даромадлари 178 362 736,0 минг.сўм ва харажатлари эса 178 362 736,0 минг.сўмга маълумот учун қабул қилинганлиги шунингдек Навоий шаҳар бюджетининг шахсий ғазна ҳисобварағида турган бюджет маблағларининг энг кам миқдори 1 711 283,0 минг.сўм этиб белгиланганлиги инобатга олинсин.

3. 2026 йил учун Навоий шаҳрини ривожлантиришнинг асосий макроиқтисодий кўрсаткич прогноз мўлжаллари 1-иловага мувофиқ, 2026 йил учун шаҳар маҳаллий бюджети даромадлари прогнози 2-иловага мувофиқ маълумот учун қабул қилинсин.

4. Қуйидагилар:

2026 йил учун шаҳар бюджетидан бюджет маблағларини тақсимловчиларга ажратиладиган маблағларнинг чекланган миқдорлари 3-иловага мувофиқ;

2026 йил учун шаҳар бюджетига умумдавлат солиқларидан ажратмалар нормативлари 4-иловага мувофиқ тасдиқлансин. Бунда, ажратмалар нормативлари бўйича шаҳар маҳаллий бюджети билан шаҳар бюджетининг тақсимотини ўрнатилган тартибда Навоий шаҳар бўйича Ғазначилик хизмати бўлими томонидан амалга оширилиши белгилаб қўйилсин.

5. 2026 йил учун шаҳар маҳаллий бюджетининг даромадлари ва харажатларининг прогнози 5-иловага мувофиқ маълумот учун қабул қилинсин.

6. 2026 йил учун шаҳарнинг шаҳар бюджети шахсий ғазна ҳисоб варақларида турган бюджет маблағларининг йўл қўйиладиган энг кам миқдори 1 711 283,0 минг.сўм ҳамда шаҳар бюджети шахсий ғазна ҳисобварақларида турган бюджет маблағларининг йўл қўйиладиган энг кам миқдори 6-иловага мувофиқ белгилансин.

7. Шаҳар бюджети захира жамғармаси ҳажми 2026 йил учун 2 026 312,0 минг.сўм миқдорида белгилансин.

Бунда, захира жамғармаси маблағларини амалдаги бюджет қонунчилигига мувофиқ, бюджет тизими бюджетлари шакллантирилаётганда олдиндан назарда тутиб бўлмайдиган харажатларни, шунингдек ижтимоий-иқтисодий беқарорлик юзага келган вазиятларда амалга оширилиши зарур бўлган тадбирларни молиялаштириш учун йўналтирилиши таъминлансин.

8. Шаҳар ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Ў. Ҳақбердиев, шаҳар Иқтисодиёт ва молия бўлими (Н. Тухтаев), шаҳар солиқ инспекцияси (Ф. Эргашев) билан биргаликда 2026 йил маҳаллий бюджети учун белгиланган кўрсаткичларни ўз вақтисда ва самарали бажарилишини таъминлаш чораларини кўрсин.

9. Ҳудудий бюджет маблағларини тақсимловчилар ҳар чорак якуни билан бюджет маблағларини самарали ва мақсадли сарфланганлиги, харажатларнинг амалий натижалари юзасидан халқ депутатлари шаҳар Кенгашига ҳисобот бериб борсинлар.

Бунда, ҳудудий бюджет маблағларини тақсимловчилар:

бюджетдан ажратилган маблағлардан мақсадли ва самарали фойдаланиш, хусусан иш ҳақи ва унга тенглаштирилган тўловлар, озиқ-овқат, дори-дармон, коммунал хизматлар ва давлат дастурлари учун белгиланган харажатларни тўлиқ режалаштирилиши ва ўз вақтида тўланиши;

ўзларининг ва тасарруфидаги ташкилотларнинг харажатлар сметаси ва штат жадваллари ҳамда даромадлар ва харажатлар сметаларининг тўғри тузилиши;

бюджетдан ажратилган маблағларнинг мақсадли сарфланиши ва мақсадли индикаторларнинг тўлиқ бажарилиши;

тасарруфидаги тизим ташкилотларига бюджетдан ажратиладиган маблағларнинг тўғри тақсимланиши;

ўз тасарруфидаги тизимда бюджет интизомига амал қилиниши устидан назорат қилинишини;

бюджет жараёнининг очиқлигини таъминлаш мақсадида расмий веб-сайтларда маълумотларни жойлаштириб борилишини таъминласинлар.

10. Мазкур қарор тегишли таҳририятлар ва оммавий ахборот воситаларида ёритилиши тавсия этилсин ҳамда шаҳар ҳокимлигининг расмий веб-сайтига жойлаштирилсин.

11. Мазкур қарор бажарилишини назорат қилиш халқ депутатлари Навоий шаҳар Кенгашининг маҳаллий бюджетни шакллантириш ва ижро этиш, иқтисодий ислоҳотларни амалга ошириш ва тадбиркорликни ривожлантириш масалалари доимий комиссияси (А. Мирзаев) ҳамда шаҳар ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Ў. Ҳақбердиев зиммасига юклатилсин.