Ўзбекистон Республикасининг 2024 йил 24 декабрдаги «Солиқ ва бюджет сиёсатининг 2025 йилга мўлжалланган асосий йўналишлари қабул қилинганлиги муносабати билан Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида»ги ЎРҚ-1014-сонли Қонуни билан Ўзбекистон Республикаси Солиқ кодексининг 445-, 452-моддаларига киритилган ўзгартиришларга мувофиқ, шаҳар Солиқ инспекциясининг 2025 йил 17 декабрдаги 14-16693-сон хатини инобатга олиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6- ва 24-моддаларига асосан халқ депутатлари Термиз шаҳар Кенгаши қарор қилади:

1. Ўзбекистон Республикасининг 2024 йил 24 декабрдаги «Солиқ ва бюджет сиёсатининг 2025 йилга мўлжалланган асосий йўналишлари қабул қилинганлиги муносабати билан Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида»ги ЎРҚ-1014-сонли Қонуни билан Ўзбекистон Республикаси Солиқ кодексининг 445-, 452-моддалари раҳбарлик ва ижро учун қабул қилинсин.

2. Шаҳар Солиқ инспекцияси ҳудудларнинг иқтисодий ривожланганлик даражаси ҳамда шаҳар ҳокимлигининг 2026 йил учун белгиланган маҳаллий бюджет прогнозидан келиб чиқиб, шаҳар бўйича 2026 йилда сув ресурсларидан фойдаланганлик учун солиқ ва ер қаъридан фойдаланганлик учун солиқ ставкаларининг мутлақ миқдорларига нисбатан камайтирилувчи ва оширилувчи коэффициентларни қўллаш бўйича таклифлари инобатга олиб:

2026 йил учун Термиз шаҳар ҳудудида ер қаридан фойданилганлик учун солиқ ставкаси 1-иловага ҳамда сув солиғи ставкаси 2-иловага мувофиқ тасдиқлансин.

Бунда, халқ депутатлари шаҳар Кенгашига ушбу қарорнинг 1-2-иловаларига асосан белгиланган солиқ ставкаларига нисбатан камайтирувчи ва оширувчи коэффитсиэнтларни келгуси йил учун маҳаллий бюджет даромадлари прогнозидан, шаҳарда иқтисодий фаолликнинг тикланганлиги ҳамда аҳоли ва тадбиркорларнинг даромадлари барқарорлашганлигидан келиб чиққан ҳолда қўллашлари тавсия этилсин.

3. Термиз шаҳар ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари — шаҳар Иқтисодиёт ва молия бўлими (Ш. Дусмуратов), шаҳар Солиқ инспекцияси (С. Тураев) билан биргаликда мазкур қарор ўз вақтида ва самарали бажарилишини таъминлаш чораларини кўрсин. Бунда:

2026 йил учун ер қаъридан фойдаланганлик ҳамда сув ресурсларидан фойдаланганлик учун солиқларини ўз вақтида ва тўлиқ тўлаб боришларини назоратга олиш;

2026 йил учун ер қаъридан фойдаланганлик учун ҳамда сув ресурсларидан фойдаланганлик учун ер солиғи ва ундирилган солиқлар тўғрисида халқ депутатлари шаҳар Кенгашига ҳисобот бериб бориш вазифаси юклатилсин.

4. Шаҳар ҳокимлиги Ахборот хизмати (А. Қосимова) ва «Термиз оқшоми» газетаситаҳририяти (А. Раджабов)га мазкур қарорни ижтимоий тармоқлар ҳамда шаҳар ҳокимлигининг расмий саҳифалаига ёритилишини таъминласин.

5. Мазкур қарор ижросининг назорати шаҳар ҳокимининг биринчи ўринбосари (Ш. Дусмуратов) ҳамда халқ депутатлари шаҳар Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси (А. Мустафакулов) зиммасига юклансин

6. Ушбу қарор тасдиқланган кундан кучга киради.