Ўзбекистон Республикаси «Географик объектларнинг номлари тўғрисида»ги Қонунига мувофиқ, Ўзбекистон Республикаси Вазирлар Маҳкамасининг 2012 йил 16-октябрдаги «Географик объектларнинг номлари соҳасидаги ишларни тартибга солиш чора тадбирлари ҳақида»ги 295-сонли қарори, Иқтисодиёт ва молия вазирлиги ҳузуридаги Кадастр агентлиги Экспертиза комиссиясининг 2025 йил 16-сентябрдаги 05-19-15974-сонли йиғилиш баёни ҳамда Республика экспертиза комиссиясининг 2025 йил 16-сентябрдаги 05-19-15974-сонли экспертиза хулосасига асосан Жарқўрғон туманида 1424 та географик объект (кўчани)ни номлаш бўйича таклифи ўрганиб чиқилиб ижобий хулоса берилган.

Юқоридагиларни инобатга олиб, Ўзбекистон Республикаси «Маҳаллий давлат ҳокимияти тўғрисида»ги Қонуни 6, 24-моддаларига асосан халқ депутатлари Жарқўрғон туман Кенгаши қарор қилади:

1. Туман ҳокимининг маънавий-маърифий ишлар самарадорлигини ошириш, давлат тили тўғрисидаги Қонун ҳужжатларига риоя этилишини таъминлаш масалалари бўйича маслаҳатчиси Ш.Хашимованинг тумандаги айрим Географик объектларни номларини тасдиқлаш тўғрисидаги ҳисоботи маълумот учун қабул қилинсин.

2. Иқтисодиёт ва молия вазирлиги ҳузуридаги Кадастр агентлиги Экспертиза комиссиясининг 2025 йил 16-сентябрдаги йиғилиш баёни ҳамда Республика экспертиза комиссиясининг экспертиза хулосаси маъқуллансин.

3. Иқтисодиёт ва молия вазирлиги ҳузуридаги Кадастр агентлиги Экспертиза комиссиясининг 2025 йил 16-сентябрдаги йиғилиш баёни ҳамда Республика экспертиза комиссиясининг 2025 йил 16-сентябрдаги 05-19-15974-сонли экспертиза хулосасига асосан тумандаги жами 1424 та географик объектларини номлаш бўйича берилган экспертиза хулосаси Ўзбекистон Республикаси «Географик объектларнинг номлари тўғрисида»ги Қонунининг 4-моддасига асосан, қонун ҳужжатларига мувофиқ деб ҳисобланганлиги инобатга олинсин ҳамда туман бўйича жами 1424 та географик объектларнинг номлари 1-иловага мувофиқ тасдиқлансин.

4. Туманда географик объектларни номлаш ва қайта номлаш бўйича мавжуд 1598 та географик объектларнинг номлари Республика Кадастр агентлиги экспертиза комиссияси томонидан қонун ҳужжатларига мувофиқ деб топилганлиги инобатга олиниб, ушбу 1424 та географик объектларнинг рўйхати халқ депутатлари туман Кенгаши қарори асосида Республика Кадастр агентлигининг давлат реестри электрон базасига киритиш мақсадида вилоят ҳудудий комиссиясига тақдим этилсин.

5. Туман ҳокимининг ўринбосарлари (Р. Хамраев ва А. Ражабов), тумандаги маҳалла фуқаролар йиғинлари раислари билан биргаликда маҳалла фуқаролар йиғинларида кўча номлари акс эттирилган пешлавҳаларни 1 ой муддатда белгиланган тартибда ўрнатиш вазифаси топширилсин.

6. Туман Статистика бўлими (Э. Хушбоқов), Ўзбекистон Республикаси Давлат солиқ қўмитаси ҳузуридаги кадастр агентлигининг давлат кадастрлари палатаси Сурхондарё вилоят бошқармаси Жарқўрғон туман филиали (Э. Ачилов) номланган кўчаларнинг номларини белгиланган тартибда рўйхатга олиш вазифаси юклатилсин ва туман Ички ишлар бўлими (М. Қўнғиротов ) фуқароларни доимий яшаш жойига рўйхатга қўйишда янги номланган кўчаларни инобатга олиш тавсия этилсин.

7. Мазкур қарор ижросини таъминлаш учун туман ҳокимининг маънавий-маърифий ишлар самарадорлигини ошириш, давлат тили тўғрисидаги Қонун ҳужжатларига риоя этилишини таъминлаш масалалари бўйича маслаҳатчиси (Ш. Хашимова) ҳамда туман ҳокимининг ўринбосарлари (Р. Хамраев ва А. Ражабов), Ўзбекистон маҳаллалар уюшмаси Жарқўрғон туман бўлими (Б. Сулаймонов) масъул этиб белгилансин.

8. Белгилаб қўйилсинки номланган кўчаларга пешлавҳалар тайёрлаш, ўрнатиш учун сарфланадиган маблағлар қонунда тақиқланмаган манбалар ҳисобидан қопланади.

9. Мазкур қарор газетасида расман эълон қилинсин ва туман ҳокимлигининг расмий веб-сайтига жойлаштирилсин.

10. Мазкур сессия қарори ижросини назорат қилиш халқ депутатлари туман Кенгашининг Ижтимоий-маданий ривожланиш, ёшлар сиёсати ва соғлом авлодни тарбиялаш масалалари бўйича доимий комиссияси (З. Аҳмедова) зиммасига юклатилсин.

11. Мазкур қарор қабул қилинган кундан эътиборан кучга киради.