Ўзбекистон Республикаси Солиқ кодексининг 429,437,445 ва 452-моддалари, халқ депутатлари Жиззах вилояти Кенгашининг 2025 йил 30 декабрдаги ВИИ-23-351-3-0-К/25-сонли қарорига мувофиқ ҳамда шаҳар солиқ инспекциясининг 2025 йил 10 декабрдаги Р-22538-сонли хатини инобатга олиб, Ўзбекистон Республикасининг «Маҳаллий давлат ҳокимияти тўғрисида»ги қонунининг 6-,24-моддаларига мувофиқ халқ депутатлари шаҳар Кенгаши қарор қилади:

1. Халқ депутатлари Жиззах вилояти Кенгаши қарорига асосан Жиззах шаҳри учун юридик шахсларнинг қишлоқ хўжалигига мўлжалланмаган ерлари базавий солиқ ставкаси 1 гектар учун мутлақ миқдори 76 320,0 минг. сўм ҳамда жисмоний шахсларга 1 кв.метр учун базавий солиқ ставкасининг мутлақ миқдори 697,45 сўм минимал миқдор белгиланганлиги маълумот учун қабул қилинсин.

2. Шаҳар иқтисодиёт ва молия бўлими ҳамда шаҳар солиқ инспекциясининг ҳудудларнинг иқтисодий ривожланганлик даражаси ҳамда маҳаллий давлат ҳокимияти органларининг келгуси йил учун белгиланган маҳаллий бюджет прогнозидан келиб чиқиб, шаҳар бўйича 2026 йилда юридик ва жисмоний шахсларнинг базавий ер солиғи, сув ресурсларидан фойдаланганлик учун солиқ ва ер қаридан фойдаланганлик учун (цемент ишлаб чиқариш учун мўлжалланган оҳактошдан ташқари норуда қурилиш материаллари бўйича) солиқ ставкаларининг мутлақ миқдорларига нисбатан камайтирилувчи ва оширилувчи коэффициентларни қўллаш бўйича таклифлари инобатга олинсин.

3. Шаҳарнинг иқтисодий салоҳияти ва ривожланишига қараб 2026 йил учун юридик шахсларнинг қишлоқ хўжалигига мўлжалланмаган ерларининг 1 гектарига белгиланган ер солиғи ставкасига, жисмоний шахслар бўйича (деҳқон хўжалигини юритиш учун берилган қишлоқ хўжалигига мўлжалланган ерлардан ташқари) 1 кв. метр учун белгиланган ер солиғи ставкасига, сув ресурсларидан фойдаланганлик учун солиқ ставкасига ва ер қаридан фойдаланганлик учун (цемент ишлаб чиқариш учун мўлжалланган оҳактошдан ташқари норуда қурилиш материаллари бўйича) солиқ ставкаларига қўлланиладиган камаювчи ва оширувчи коэффициентлар ва солиқ ставкалари 1,2 ва 3-иловаларга мувофиқ тасдиқлансин.

4. Солиқ кодексининг 429 ва 437-моддаларига асосан халқ депутатлари шаҳар Кенгашлари ер солиғи ставкаларига маҳаллий бюджет прогнозларини инобатга олиб, иловага асосан қўлланиладиган коэффициентларга нисбатан тегишли ҳудудда жойлашган маҳалла, кўча кесимида 0,7 дан 3,0 гача миқдорда камайтирувчи ва оширувчи коэффициентларни белгилаш ваколати инобатга олинсин.

5. Солиқ кодексининг 445-моддасига асосан халқ депутатлари шаҳар Кенгаши сув солиғи ставкасига 0,7 гача камайтирувчи ёки 1,5 гача оширувчи коэффициентларни белгилашга ҳақли эканлиги (бундан Солиқ кодексининг 445-моддаси биринчи қисмининг 2 ва 3-бандлари, шунингдек рўйхати Ўзбекистон Республикаси Президентининг қарори билан тасдиқланадиган йирик солиқ тўловчилар мустасно) инобатга олинсин.

6. Солиқ кодексининг 452-моддасига асосан халқ депутатлари шаҳар Кенгаши норуда қурилиш материаллари учун (цемент ишлаб чиқариш учун мўлжалланган оҳактошдан ташқари) қатъий белгиланган солиқ ставкаларига 1,3 бараваргача оширувчи коэффициент белгилашга ҳақли эканлиги инобатга олинсин.

7. Шаҳар солиқ инспекцияси 2026 йил учун ушбу қарор билан тасдиқланган ставкалар асосида ҳисобланиши ва белгиланган тартибда ундирилишини таъминласин.

8. Ушбу қарор «Жиззах овози» газетасида расмий эълон қилинсин ҳамда шаҳар ҳокимлигининг расмий веб-сайтига жойлаштирилсин.

9. Қарор 2026 йил 1 январдан бошлаб кучга киради.

10. Мазкур қарорнинг ижросини назорат қилиш шаҳар Кенгашининг маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси ҳамда шаҳар ҳокимининг биринчи ўринбосари С.Хайдаров зиммасига юклатилсин.