Ўзбекистон маҳаллалари уюшмаси вилоят бошқармасининг 2025 йил 25 мартдаги 01/107-сонли хати ҳамда вилоят ҳокимлиги ҳузуридаги Маҳаллаларни тузиш, бирлаштириш, бўлиш ва тугатиш, шунингдек, уларнинг чегараларини белгилаш ва ўзгартириш масалалари бўйича идоралараро доимий комиссиясининг 2025 йил 8 апрелдаги 2-сонли баёни билан тасдиқланган хулосаси ва Қашқадарё вилояти адлия бошқармасининг 2025 йил 30 апрелдаги 6-12/1-474-сонли тақдимномасини инобатга олиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6, 16² ва 24-моддаларига асосан халқ депутатлари вилоят Кенгаши қарор қилади:

1. Ўзбекистон маҳаллалари уюшмаси вилоят бошқармасининг 2025 йил 25 мартдаги 01/107-сонли хати, вилоят ҳокимлиги ҳузуридаги Маҳаллаларни тузиш, бирлаштириш, бўлиш ва тугатиш, шунингдек, уларнинг чегараларини белгилаш ва ўзгартириш масалалари бўйича идоралараро доимий комиссиясининг 2025 йил 8 апрелдаги 2-сонли баёни билан тасдиқланган хулосаси, Қашқадарё вилояти адлия бошқармасининг 2025 йил 30 апрелдаги 6-12/1-474-сонли тақдимномаси ҳамда Ўзбекистон маҳаллалари уюшмаси вилоят бошқармаси бошлиғи О. Равшановнинг маърузаси маълумот учун қабул қилинсин.

2. Вилоятда бирлаштириладиган маҳалла фуқаролар йиғинлари рўйхати иловага мувофиқ маъқуллансин.

3. Туман (шаҳар) ҳокимликлари алоқадор ташкилотлар билан биргаликда бирлаштириладиган маҳалла фуқаролар йиғинларини қайта давлат рўйхатидан ўтказсин ҳамда муҳр ва тамғаларини алмаштириш чораларини кўрсин.

4. Халқ депутатлари вилоят Кенгашининг 2025 йил 11 апрелдаги VII-10-60-4-0-К/25-сонли қарори ўз кучини йўқотган деб ҳисоблансин.

5. Ушбу қарор вилоят ҳокимлигининг расмий веб-сайти ва оммавий ахборот воситаларида эълон қилинсин.

6. Ушбу қарор расман эълон қилингандан сўнг кучга киради.

7. Мазкур қарорнинг ижросини назорат қилиш халқ депутатлари вилоят Кенгашининг Коррупцияга қарши курашиш ва хавфсизлик масалалари бўйича доимий комиссияси раиси И. Халилов ҳамда вилоят ҳокимининг ўринбосари А. Қобилов зиммасига юклансин.