Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш бўйича Иқтисодиёт ва молия вазирлиги ҳузуридаги Кадастр агентлиги эксперт комиссиясининг 2025 йил 4 ноябрдаги 05/19-19347-сонли йиғилиш баёни ва Географик объектларга ном бериш ёки уларни қайта номлаш тўғрисидаги таклифларнинг қонун ҳужжатлари талабларига мувофиқлиги ҳақида 2025 йил 4 ноябрдаги 05/19-19347-сонли эксперт хулосасини кўриб чиқиб, Ўзбекистон Республикасининг «Географик объектларнинг номлари тўғрисида»ги Қонунининг 4-, 6-, 10-моддаси, «Маҳаллий давлат ҳокимияти тўғрисида»ги Қонуннинг 6-, 24-моддаларига асосан, халқ депутатлари туман Кенгаши қарор қилади:

1. Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш бўйича Иқтисодиёт ва молия вазирлиги ҳузуридаги Кадастр агентлиги эксперт комиссиясининг 2025 йил 4 ноябрдаги 05/19-19347-сонли йиғилиш баёни ва Географик объектларга ном бериш ёки уларни қайта номлаш тўғрисидаги таклифларнинг қонун ҳужжатлари талабларига мувофиқлиги ҳақида 2025 йил 4 ноябрдаги 05/19-19347-сонли эксперт хулосаси маъқуллансин.

2. «Географик объектларнинг номлари тўғрисида»ги Ўзбекистон Республикаси Қонунига мувофиқ Шаҳрисабз туманида Давлат кадастрлари палатаси Шаҳрисабз туман филиали, Ўзбекистон маҳаллалари уюшмасининг туман бўлими масъуллари ва маҳалла раислари билан биргаликда ташкил этилган хатловлар натижасида тумандаги мавжуд барча тоифадаги номсиз кўчалар 3009 та эканлиги, шунингдек, ушбу географик объектларнинг номлари қонун ҳужжатлари талабларига мувофиқ деб хулоса берилганлиги инобатга олинсин.

3. Шаҳрисабз туманидаги 3009 та тоифаларга ажратилган, номланган ва қайта номланган кўчалар рўйхати иловага мувофиқ тасдиқлансин.

4. Кадастрлар палатаси Шаҳрисабз туман филиали (Й. Исмоилов) 15 (ўн беш) кун муддатда халқ депутатлари туман Кенгашининг мазкур қарори билан ўзгартирилган географик объектларининг номларини давлат реестрига киритиш чораларини кўрсин.

5. Камбағалликни қисқартириш ва бандлик бўлими (З. Халилов), туман Статистика бўлими (О. Абдуллаев), Кадастрлар палатаси Шаҳрисабз тумани филиали (Й. Исмоилов)га тегишли давлат рўйхатидан ўтказиш идоралари билан биргаликда мазкур қарордан келиб чиқиб ҳисоботларга белгиланган тартибда ўзгартиришлар киритиш топширилсин.

6. Шаҳрисабз туман Ички ишлар бўлими (О. Йўлдошев) янги ном берилган ва номлари ўзгартирилган ҳудудларда аҳолининг фуқаролик паспортларига тегишли ўзгартиришлар киритиш ишларини ташкилий равишда амалга оширсин.

7. Ўзбекистон маҳаллалари уюшмаси Шаҳрисабз туман бўлими (С. Рахманов) бир ой муддатда ҳудудларда янги ном берилган ва номлари ўзгарган географик объектлар ҳақида аҳоли ўртасида кенг тарғиб этиш, белгиланган тартибда замонавий кўринишдаги (лотин ёзувида) пешлавҳаларга ёзиб, ўрнатиш чораларини кўрсин.

8. Туман ҳокимлиги ахборот хизмати раҳбари (Н. Қулматов), мазкур қарор расман эълон қилингандан сўнг ҳокимликнинг расмий вебсайтига жойлаштирилсин.

9. Мазкур қарор ижросини назорат қилиш, халқ депутатлари туман Кенгашининг ижтимоий соҳа, ёшлар сиёсати, маданият ва спорт масалалари бўйича доимий комиссияси (И. Юсупов) зиммасига юклансин.

10. Мазкур қарор расмий эълон қилинган кундан эътиборан кучга киради.