Ўзбекистон Республикаси Президентининг 2023 йил 21 декабрдаги «Ўзбекистон маҳаллалари уюшмалари фаолиятини йўлга қўйиш ва маҳаллаларда бошқарув тизимини такомиллаштиришга оид қўшимча чора-тадбирлар тўғрисида»ги ПҚ-402-сон қарори ижросини таъминлаш ҳамда Ўзбекистон Республикасининг Бюджет кодексининг 127-моддаси ва «Маҳаллий давлат ҳокимияти тўғрисида»ги Ўзбекистон Республикаси Қонунининг 6 ва 24-моддаларига асосан халқ депутатлари Оқдарё тумани Кенгашининг йигирма иккинчи сессияси қарор қилади:

1. Ўзбекистон Республикаси Президентининг 2023 йил 21 декабрдаги «Ўзбекистон маҳаллалари уюшмалари фаолиятини йўлга қўйиш ва маҳаллаларда бошқарув тизимини такомиллаштиришга оид қўшимча чора-тадбирлар тўғрисида»ги ПҚ-402-сон қарорига асосан тумандаги жисмоний шахслардан олинадиган мол-мулк ва ер солиғи бўйича ундирилган маблағларнинг (нотурар жойлар бўйича ундириладиган мол-мулк ва ер солиғи бундан мустасно) 10 фоизини маҳалла жамғармасига ўтказишдан юзага келган фарқни қоплаш учун 1 309 480,0 (бир миллиард уч юз тўққиз миллион тўрт юз саксон) минг.сўм маблағ зарурлиги маълумот учун қабул қилинсин.

2. Халқ депутатлари Оқдарё тумани Кенгашининг 2024 йил 27 декабрдаги VII-4-023-7-92-K/24-сон қарори 1-иловасидаги 8-банди ҳамда 2-иловасидаги 10-бандлари туман маҳаллий бюджети ҳисобидан Оқдарё туман маҳаллий бюджетининг 2025 йил IV чорак даромадлари ва харажатларини 1 309 480,0 (бир миллиард уч юз тўққиз миллион тўрт юз саксон) минг.сўм 1-иловага мувофиқ оширилсин.

3. Туман Иқтисодиёт ва молия бўлими бошлиғи ўринбосари (Н. Исмоилов)га Оқдарё тумани маҳаллий бюджетининг 2025 йил IV чорак даромадлари ва харажатлари режаларига тегишли ўзгартириш киритсин.

4. Мазкур қарор ижросини назорат қилиш халқ депутатлари Оқдарё тумани Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси (Р. Раббанақулов) ва туман ҳокимининг биринчи ўринбосари-Иқтисодиёт ва молия бўлими бошлиғи (Э. Ашуров) зиммасига юклатилсин.