Ўзбекистон Республикаси Президентининг 2024 йил 5 январь кунги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сонли Қарори ижросини таъминлаш мақсадида Тахиатош тумани Сув етказиб бериш хизмати давлат муассасасининг таклифини тинглаб муҳокама қилиб ҳамда «Маҳаллий давлат ҳокимияти тўғрисида»ги Қонунининг 6 ва 24-моддаларига мувофиқ халқ депутатлари туман Кенгаши қарор қилади:

1. Ўзбекистон Республикаси Президентининг 2024 йил 5 январь кунги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сонли Қарори ҳамда Қорақалпоғистон Республикаси сув хўжалиги вазирлигининг 2025 йил 17 сентябрь кунги 185-сонли буйруғи маълумот ва ижро учун раҳбарликка олинсин.

2. Тахиатош туманида 2025-2026 йилларда шўр ювиш даври учун сув истемолчилари кесимида экин турларига қараб сув лимитини ажратиш тўғрисида Тахиатош тумани Сув етказиб бериш хизмати давлат муассасасининг таклифи маълумот учун қабул қилинсин.

3. Тахиатош туманидаги фермер хўжаликлари, кластерлар ва бошқа сув истеъмолчиларга 2025-2026 йиллар шўр ювиш даври учун ажратилган сув лимити ва ҳақийқий олинадиган сув лимити 1-иловага мувофиқ маъқуллансин.

4. Туман ҳокимининг қишлоқ ва сув хўжалиги масалалари бўйича ўринбосари, туман Сув етказиб бериш хизмати давлат муассасаларига:

ажратилган сув олиш лимитлари доирасида ирригация тизими туман сув етказиб бериш хизмати алоҳида аҳамиятга эга бўлган сув объектларининг сув манбалари, иқтисодиёт тармоқлари ва ҳар бир сувдан фойдаланувчи ва сув истеъмолчилар кесимида уларнинг сувга бўлган талаблари асосида белгиланган сув олиш лимитларини тасдиқлаб, ҳар бир сувдан фойдаланувчи ва сув истеъмолчиларига етказсин;

сув истемолчилари билан уларга ажратилган сув олиш лимитлари доирасида сувдан фойдаланиш ёки сув истеъмоли тўғрисидаги шартномаларнинг тузилиши ҳамда уларни белгиланган тартибда рўйхатдан ўтказилишини таъминласин;

сувдан махсус фойдаланиш ёки сувни махсус истеъмол қилиш учун берилган рухсатномаларнинг бўлиши мажбурий талаб ҳисобланиши эътиборга олинсин;

сув ресурсларини самарали бошқариш мақсадида барча сув олиш нуқталаридаги гидропостларнинг мавжудлиги ва сифатли таъмирланганлигини кўриб чиқиб, мавжуд камчиликларни зудлик билан бартараф этсин ҳамда ҳар бир сув олиш иншоотлари жиҳозланишини таъминласин;

сувни самарали бошқариш ва улардан мақсадли ҳамда тежамли фойдаланиш бўйича ўқув семинар ва тушинтириш ишларини олиб борсин;

5. Туман ҳокимининг ўринбосари М. Худайбергенов ҳамда туман Сув етказиб бериш хизмати давлат муассасаси билан ҳамкорликда сувдан мақсадли ва самарали фойдаланиш вазифаси юклатилсин.

6. Сув етказиб бериш хизмати давлат муассасаси жойларда сув ресурсларини самарали бошқариш ва улардан мақсадли фойдаланиш бўйича мониторинг олиб борилишини ҳамда мавжуд камчиликларни бартараф этиш бўйича зарур чоралар кўриш ва сув етишмовчилигининг олдини олиш бўйича масъул этиб белгилансин.

7. Ушбу қарорнинг бажарилишини таъминлаш туман ҳокимининг ўринбосари М. Худайбергенов ва туман Сув етказиб бериш хизмати давлат муассасаси ҳамда қарор ижросини назорат қилиш халқ депутатлари туман Кенгашининг Аграр, сув хўжалиги масалалари ва экология бўйича доимий комиссияси зиммаларига юклансин.

8. Туман ҳокимлигининг ахборот хизмати раҳбари мазкур қарорни туман ҳокимлигининг расмий веб-сайтига жойлаштириш ва оммавий ахборот воситаларида эълон қилиш вазифаси юклансин.