Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сонли қарорининг ижросини таъминлаш мақсадида, Ўзбекистон Республикаси «Маҳаллий давлат ҳокимяти тўғрисда»ги Қонунининг 6, 24-моддаларига асосан Халқ депутатлари Чироқчи туман Кенгаши қарор қилади:

1.Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сонли қарори ижро учун қабул қилинсин.

2.Чироқчи туман «Сув етказиб бериш хизмати» давлат муассасаси директори Б. Чуқморовнинг Чироқчи тумани бўйича 2025-2026 йил ноусув даври учун қишлоқ хўжалиги экинларини суғоришга ҳамда жами ажратилган чекланган сув миқдорини тасдиқлаш тўғрисидаги таклифи маъқуллансин ва иловаларга ко ʻра тасдиқлансин.

3.Туман ҳокимининг қишлоқ ва сув хўжалиги масалалари бўйича ўринбосари — қишлоқ хўжалиги бўлими бошлиғи Б. Мирзаев, Чироқчи «Сув етказиб бериш хизмати» давлат муассасаси директори Б. Чуқморов билан биргаликда:

Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сонли қарори асосида ишларни ташкил этиш;

белгиланган лимитлар асосида истеъмолчиларга сув етказиб бериш;

ўзига бириктирилган ҳудудда сувнинг ҳисоби ва ҳисоботини юритиш;

суғориш тармоқлари ва улардаги гидротехник иншоотларни соз ҳолатда сақлаш, таъмирлаш-тиклаш тадбирларини амалга ошириш;

сув олиш жойларини сувни бошқариш ва ҳисобга олиш воситалари билан жиҳозлаш, сув мониторинги, ҳисоби ва ҳисоботи юритилишини рақамлаштириш;

истеъмолчилар кесимида истеъмол қилинган сув ҳажми тўғрисидаги маълумотларни солиқ органларига тақдим этиб бориш;

сув истеъмолчиларининг буюртманомаси асосида бошқа сув хўжалиги хизматларини кўрсатиш;

амалга оширилган ишлар юзасидан халқ депутатлари туман кенгашига ҳисоботларни ўз вақтида бериб бориш вазифалари юклатилсин.

4. Халқ депутатлари Чироқчи тумани Кенгашининг 2024 йил 4 декабрдаги VI-89-014-4-66-K/24-сонли Қарори ўз кучини йўқотган деб ҳисоблансин.

5. Мазкур қарорнинг ижросини назорат қилиш халқ депутатлари туман кенгашининг Аграр, сув хўжалиги ва экология масалалари бўйича доимий комиссияси раиси М. Хасанов ҳамда туман ҳокимининг қишлоқ ва сув хўжалиги масалалари бўйича ўринбосари, қишлоқ хўжалиги бўлими бошлиғи Б. Мирзаев зиммасига юклансин.