Ўзбекистон Республикаси Вазирлар Маҳкамасининг 2017 йил 15 мартдаги «Умумий ўрта таълим тўғрисидаги Низомни тасдиқлаш ҳақида»ги 140-сонли қарори билан тасдиқланган Низомнинг 5-боб, 39-банди ижроси таъминлаш ҳамда Мактабгача ва мактаб таълими туман бўлимининг 2025 йил 4 апрелдаги 04-500101 сонли «Мактаб ёшидаги болаларни мажбурий таълимга жалб этиш мақсадида тумандаги ҳар бир умумий ўрта таълим муассасаларини ҳудуд ва микроҳудудларга бириктириш тўғрисида»ги хатини кўриб чиқиб, «Маҳаллий давлат ҳокимияти тўғрисида»ги Қонунининг 6- , 21 ва 21¹-моддаларига мувофиқ қарор қиламан:

1. Мактабгача ва мактаб таълими бўлимининг 2025 йил 4 апрелдаги 04-500101-сонли «Мактаб ёшидаги болаларни мажбурий таълимга жалб этиш мақсадида тумандаги ҳар бир умумий ўрта таълим муассасаларини ҳудуд ва микроҳудудларга бириктириш тўғрисида»ги таклифи маъқуллансин.

2. Тумандаги умумий ўрта таълим мактабларини шаҳарча, қишлоқ ва маҳалла фуқаро йиғинларидаги ҳудуд ва микроҳудудларга бириктириш ҳақидаги рўйхати иловага мувофиқ тасдиқлансин.

3. Туман ҳокимининг ўринбосари (Б.Зулфиқоров), Мактабгача ва мактаб таълими туман бўлими (К.Гулбоев) ва тумандаги умумий ўрта таълим муассасалари раҳбарларининг зиммаларига:

мактаб ёшидаги болаларни умумий ўрта таълимга 7 ёшга тўладиган йилда тўлиқ қамраб олиш;

ўқувчиларнинг дарсларга қатнашиш ҳолати юзасидан доимий мониторинг олиб бориш;

мониторинг натижасида аниқланган муаммоларни бартараф этиш бўйича зарур чоралар кўриш вазифаси топширилсин.

4. Белгилансинки, тумандаги умумий ўрта таълим муассасалар раҳбарлари ўзлари раҳбарлик қилаётган муассасага бириктирилган ҳудуддаги мактаб ёшидаги болаларни ўз вақтида умумий ўрта таълим муассасасига ўқишга жалб қилиш учун масъул ҳисобланади.

5. Ўзбекистон Маҳаллалари уюшмаси туман бўлими (Б.Мирзабеков), маҳалла фуқаролар йиғини раислари мактаб ёшидаги болаларни умумий ўрта таълим муассасаларига қамраб олиш жараёнида Мактабгача ва мактаб таълими туман бўлими ҳамда умумий ўрта таълим муассасаларига кўмаклашсинлар.

6. Мазкур қарор «Бахмал ҳаёти» газетасига ҳамда туман ҳокимлигининг веб-сайтига жойлаштирилсин.

7. Туман ҳокимининг ушбу қарори қабул қилиниши муносабати билан туман ҳокимининг 2024 йил 5 июндаги 188-3-44-Қ/24-сонли қарори ўз кучини йўқотган деб, ҳисоблансин.

8. Ушбу қарорнинг бажарилишини назорат қилиш туман ҳокимининг ўринбосари Б.Зулфиқоров ва Мактабгача ва мактаб таълими туман бўлими бошлиғи К.Гулбоевларнинг зиммаларига юклатилсин.