«Маҳаллий давлат ҳокимияти тўғрисида» Ўзбекистон Республикаси Қонунининг 6-моддаси Ўзбекистон Республикаси Бюджет Кодексининг 126-моддасига асосан қарор қилади:

1. «Наманган шаҳар бюджети 2025 йил учинчи чорак даромад режасини орттириб бажарилган қисми ҳисобидан маблағларни йўналтириш ҳақида»ги туман ҳокимлиги таклифларини инобатга олиб, шаҳар маҳаллий бюджети 2025 йил учинчи чорак даромад режасини орттириб бажарилган қисми ҳисобидан иловага мувофиқ маблағлар ажратилсин.

2. Давлатобод туман ҳокимининг биринчи ўринбосари (Э.Маматқулов), харажатларни амалга оширишга масъул ташкилот раҳбарлари билан биргаликда:

молиялаштириш манбасини очиш учун ўрнатилган тартибда расмийлаштирилган ҳужжатларни туман иқтисодиёт ва молия бўлими ва туман бўйича Ғазначилик хизматига тақдим этиш;

ажратилган маблағлардан тўғри, мақсадли ва самарали фойдаланилишини таъминлаш;

маблағларни ўз вақтида ва самарали ишлатилиши юзасидан молиявий ҳисоботлар асосида тизимли ўрганиш ҳамда ўрганиш натижаларига кўра, ишлатилмаган ва иқтисод қилинган маблағларни шаҳар маҳаллий бюджетига қайтариш чораларини кўрсинлар.

3. Туман иқтисодиёт ва молия бўлими (С.Умаров) бюджет харажатлар режасига белгиланган тартибда тегишли ўзгартиришлар киритиш, туман ғазначилик хизмати бўлинмаси (И.Атаханов) тўловларни ўрнатилган тартибда ва ўз вақтида амалга ошириш ҳамда маблағлардан мақсадли фойдаланилишини назорат қилиш вазифалари топширилсин.

4. Туман маҳаллий бюджет жараёнини очиқлигини таъминлаш мақсадида Наманган шаҳар маҳаллий бюджети 2025 йил учинчи чорак даромад режасини орттириб бажарилган қисми ҳисобидан харид қилинадиган товарлар ва хизматлар, қурилиш, реконструкция қилиш ва таъмирлаш ишлари олиб борилаётган объектлар рўйҳати, шунингдек қурилиш таъмирлаш ишларининг молиялаштирилиши тўғрисидаги маълумотларни кейинги чоракнинг иккинчи ойи 10 санасига қадар туман ҳокимлиги расмий веб-сайтига жойлаштирилсин.

5. Мазкур қарор ижросининг назорати туман ҳокимининг биринчи ўринбосари Э.Маматқулов, Халқ депутатлари туман Кенгашининг Маҳаллий бюджетни шакллантириш ва ижро этиш, иқтисодий ислоҳотларни амалга ошириш ва тадбиркорликни ривожлантириш масалалари доимий комиссияси зиммаларига юклансин.

6. Мазкур қарор қабул қилинган кундан эътиборан кучга киради.